Poezia "Atdheu im"

Në shkolla kanë nisur festimet përkujtimore të 75-vjetorit të çlirimit të vendit nga pushtuesit nazifashistë. Kjo ngjarje, më e rëndësishmja e historisë së vendit, përkujtohet nga aktivitete të ndryshme, ndër të cilat është edhe krijimi i poezive kushtuar kësaj feste. Po sjellim poezinë të mirë të shkruar në dialektin gegë nga nxënësja e klasës së nëntë Gladiola Tusha, e cila mori çmimin e parë në konkursin “Letrari i ri” në shkollën “Adem Haxhija”. Ju ftojmë ta lexoni!

Atdheu im !

Kur kushtrimi lëshoj zâ 

Kokë më kokë bashkë na ka bâ 

U bamë bashkë  në log t’rimërisë,

Më i gëzu, ditës t’lirisë!

Shpejt harruam, vitet e rânda,

Por shumë vjet, na mbajtën n’pranga,

Sot, a kurrë, mirë me kuptue,

Nga jem nisë, ku jem tuj shkue?

Sot me u ndalë, mirë, me mendue,

Pse kaq shpejt kemi harrue,

Jo, kështu s’do dalim n’dritë,

Kombi ynë, do mend, me u rritë!

Nuk është nder t’luftosh për emër,

Duaje tëndin me gjithë zemër,

Sot është, me u pendue,

Për karrige s’patëm luftue?

Tuj mendue vetëm për vete!

Gati n’fund, ne kemi mbetë!

Duaje vëllanë, që e ke pranë,

I vetmuar, gjenë belanë!

Punoi : Gladiola Tusha (Klasa e IX-të, shkolla “ADEM HAXHIJA” Postribë)