![](https://www.portalishkollor.al/upload/media/entries/2023-03/23/6733-0-f332c41fcf967259bc97470411ee2ebc.jpg)
Bisedë letrare për librin "Pinoku" nga nxënësit e klasës 3-B, shkolla “Protagonistët”
Vetëm duke i nxitur nxënësit drejt librit, u kemi dhënë çelësin për të zbuluar botën nëpërmjet imagjinatës. E kështu ka bërë edhe mësuesja Elmira Ismaili, me nxënësit e saj të klasës së 3-të B të shkollës “Protagonistët”. Ata kanë zhvilluar një bisedë letrare mjaft interesante mbi librin “Pinoku”.
Bisedë letrare për librin "Pinoku"
Shkolla “Protagonistët”, Klasa e 3-të b, mësuese Elmira Ismaili
![](https://www.portalishkollor.al/upload/media/entries/2023-03/23/6733-2-f332c41fcf967259bc97470411ee2ebc.jpg)
Biseda letrare merr tjetër kuptim kur integrohen disa lëndë së bashku si: Gjuhë shqipe, Art, Muzikë, Anglisht, Greqisht dhe Italisht. Libri i përzgjedhur për bisedën letrare ishte “Pinoku”, kjo histori kaq e bukur dhe e pëlqyer nga fëmijët.
Nxënësit e shijuan plotësisht rezultatin e punës së tyre dhe të gjithë u përfshinë në këtë bisedë. Të gjithë e pritën me entuziazëm ditën e bisedës letrare dhe klasa u mbush me zërat e tyre të ëmbël, me piktura shumëngjyrëshe dhe me muzikë. Të gjithë nxënësit kishin ilustruar pjesë nga historia e Pinokut.Klasa ngjante më një galeri arti nga pikturat e tyre plot ngjyra. Dikush kishte punuar mbi letër e dikush mbi telajo, por e rëndësishme ishte gjithëpërfshirja e nxënësve në këtë bisedë. Pikturat kishin lidhje me situatat e ndryshme në libër nga aventurat e Pinokut dhe personazheve të tjerë. Madje nxënësit kishin printuar edhe postera të ndryshëm.
![](https://www.portalishkollor.al/upload/media/entries/2023-03/23/6733-4-f332c41fcf967259bc97470411ee2ebc.jpg)
Të gjithë bashkë kënduan këngën “Shoku im Pinoku”. Mësuese Elmira ishte kujdesur që çdo nxënës të kishte pjesën e vet në këtë bisedë letrare.
![](https://www.portalishkollor.al/upload/media/entries/2023-03/23/6733-6-9c6647529121b8b0835e888f9f8a9792.jpg)
Disa nxënës përgatitën përmbledhjen e disa ngjarjeve në libër në shqip dhe anglisht. Dy vajza e përshkruan figurën e Pinokut në greqisht. Një tjetër nxënëse e përshkroi secilin personazh në italisht, në gjuhën me të cilën e krijoi autori librin. Tre nxënës të tjerë përshkruan jetën dhe veprën e autorit Karlo Kolodi.
![](https://www.portalishkollor.al/upload/media/entries/2023-03/23/6733-8-9c6647529121b8b0835e888f9f8a9792.jpg)
Dy nga episodet më të pëlqyera nga nxënësit, u interpretuan në role nga nxënësit. Mësuesja i drejtonte pyetje nxënësve në formën e gjëegjëzave si dhe pyetje për disa nga momentet e ndryshme të ngjarjes. Nxënësit sollën një buqetë të bukur të gjuhëve të huaja. Klasa u kthye në një skenë teatri dhe përrallash ku çdo nxënës kishte një rol për të përmbushur.
![](https://www.portalishkollor.al/upload/media/entries/2023-03/23/6733-10-9c6647529121b8b0835e888f9f8a9792.jpg)
![](https://www.portalishkollor.al/upload/media/entries/2023-03/23/6733-11-9c6647529121b8b0835e888f9f8a9792.jpg)
Dashuria për librin zgjon te fëmijët imagjinatën e cila është e pafundme dhe lundron atje ku ëndrrat bëhen realitet, në botën e fëmijëve, bota më e pasur dhe më e bukur. Vetëm duke i nxitur nxënësit drejt librit, u kemi dhënë çelësin për të zbuluar botën nëpërmjet imagjinatës.
Veprimtaria u mbyll me vlerësimi e certifikata për secilin nxënës.
Iriana Papamihali
©Portali Shkollor- Të gjitha të drejtat e rezervuara. Ndalohet kopjimi pa lejen tonë.
Vlerësimi i nxënësve në klasat 1-3, bazuar në udhëzimet përkatëse
Anglisht dhe gjuhë shqipe, testet e vitit të kaluar
Metodat dhe teknikat e mësimdhënies me në qendër nxënësit