“Parafjala”, orë në Smart Lab, gjuhë shqipe 5, përgatiti mësuesja Nora Noga

Orë model Smart Lab nga mësuesja Nora Noga me nxënësit e klasës së 5-të të shkollës “Bardhaj”, Shkodër, me temë “Parafjala” në Gjuhë shqipe, ku nxënësit mësuan përdorimin e saj në fjali përmes ushtrimeve, figurave dhe aktiviteteve ndërvepruese, duke zhvilluar një mësim praktik dhe interaktiv në klasë.

Në kuadër të orëve në Smart Lab, në lëndën e Gjuhës shqipe, nxënësit e klasës së 5-të të shkollës “Bardhaj” në Shkodër, zhvilluan një orë mësimore me temë: “Parafjala”. Nën drejtimin e mësueses Nora Noga, nxënësit u angazhuan në aktivitete praktike dhe ndërvepruese për të kuptuar dhe përdorur saktë parafjalët në fjali të ndryshme.


Gjatë orës mësimore, ata u njohën me përkufizimin e parafjalës si pjesë e ligjëratës që shpreh marrëdhënie vendi, kohe dhe mënyre. Përmes ushtrimeve dhe figurave ilustruese, nxënësit identifikuan parafjalët në tekste të shkurtra, dalluan parafjalët e vendit si: në, mbi, nën, pranë, përballë, brenda, jashtë, si dhe krijuan fjali të tyre duke i përdorur në mënyrë të saktë.

Ora mësimore synoi zhvillimin e aftësive gjuhësore, të menduarit logjik dhe të shprehjes së lirë, duke e bërë mësimin më praktik, të kuptueshëm dhe tërheqës për nxënësit.



Më poshtë gjeni prezantimin e plotë të kësaj ore mësimore.


© Portali Shkollor- Të gjitha të drejtat e rezervuara. Ndalohet kopjimi pa lejen tonë. 

240 Lexime
23 orë më parë