Projekt ndërlëndor, “Sporti, shëndet për trupin dhe mendjen”, realizuar nga mësuesja File Gosa

Sot do t’ju prezantojmë një projekt ndërlëndor të realizuar në shkollën 9-vjeçare “Qamil Gjuzi”, Rrogozhinë, nga nxënësit e klasës III-A nën drejtimin e mësueses File Gosa, në kuadër të kualifikimit të saj si “Mësuese Mjeshtre”.

Projekti “Sporti, shëndet për trupin dhe mendjen” është ndërtuar mbi një qasje gjithëpërfshirëse dhe integruese, duke përfshirë 10 fusha/lëndë dhe 30 orë mësimore gjatë vitit shkollor 2025-2026. Ai synon të ndërgjegjësojë nxënësit për rëndësinë e aktivitetit fizik, ushqimit të shëndetshëm dhe mënyrës së shëndetshme të jetesës, duke i lidhur njohuritë shkollore me jetën e përditshme.

Përmes këtij projekti, nxënësit kanë zhvilluar aftësi kërkimore, krijuese dhe bashkëpunuese, duke punuar në grup dhe duke realizuar produkte konkrete si postera, tabela, intervista, punime artistike dhe prezantime, të cilat pasqyrojnë të nxënit aktiv dhe ndërveprues.

Ky projekt përfaqëson një shembull të mirë të integrimit ndërlëndor dhe të zhvillimit të kompetencave kyçe te nxënësit, duke e kthyer procesin mësimor në një përvojë të gjallë, motivuese dhe me vlera edukative.

Projektin e plotë të kualifikimit, së bashku me prezantimin dhe të gjitha materialet mbështetëse të përdorura nga mësuesja File Gosa, i gjeni më poshtë.

PROJEKTI “SPORTI,SHËNDET PËR TRUPIN DHE MENDJEN”

PREZANTIMI I PROJEKTIT 

FLET PUNE PËR PROJEKTIN 

FLETË PUNE E PËRSHTATUR PËR NXËNËS ME NEVOJA TË VEÇANTA 

© Portali Shkollor- Të gjitha të drejtat e rezervuara. Ndalohet kopjimi pa lejen tonë.