Pyetësor: Rëndësia e komunikimit jo verbal në marrëdhëniet mësues-nxënës

Mësuesja Mimoza Marko nga Shkolla 9-vjeçare “Musa Çakërri” ka hartuar një pyetësor të strukturuar për të eksploruar rëndësinë dhe ndikimin e komunikimit jo verbal në marrëdhëniet mes mësuesve dhe nxënësve.

Ky pyetësor synon të marrë informacione të dobishme nga dy palë kryesore: nxënësit dhe mësuesit. Për nxënësit, pyetjet fokusohen në perceptimet e tyre mbi gjuhën trupore dhe shenjat jo verbale të mësuesve gjatë mësimdhënies. Për mësuesit, pyetësori synon të nxjerrë në pah vetëvlerësimin e tyre mbi përdorimin e mjeteve jo verbale në komunikim me nxënësit.

Qëllimi kryesor i pyetësorit është:

• Të evidentojë rolin dhe rëndësinë që ka komunikimi jo verbal në krijimin e një ambienti të mirë mësimor.
• Të nxitet reflektimi profesional dhe vetëvëzhgimi tek mësuesit për praktikat e tyre të komunikimit.
• Të përforcojë marrëdhëniet pozitive dhe bashkëpunuese mes mësuesve dhe nxënësve, përmes njohjes dhe përdorimit më të mirë të elementeve jo verbale.

Nga ky pyetësor do të përftohen të dhëna të cilat:

• Ndihmojnë në kuptimin e përceptimeve të nxënësve për komunikimin jo verbal të mësuesve.
• Lehtësojnë vetëvlerësimin e mësuesve për efektivitetin e gjuhës së trupit dhe shenjave jo verbale në klasë.
• Shërbejnë si bazë për përgatitjen e trajnimeve dhe udhëzimeve për zhvillimin profesional në fushën e komunikimit.

Materiali shoqërues i përmbledhur me grafikë dhe analiza i jep mundësinë komunitetit arsimor të marrë një pasqyrë të qartë mbi ndikimin e komunikimit jo verbal në procesin mësimor dhe marrëdhëniet ndërpersonale në shkollë.

Më poshtë gjeni materialet e plota. 

Pyetësori – Komunikimi jo verbal 

Prezantimi – Komunikimi jo verbal 

© Portali Shkollor- Të gjitha të drejtat e rezervuara. Ndalohet kopjimi pa lejen tonë.