Nxënësit shqiptar nëpër botë

Rahela Pashaj, nxënësja ekselente me origjinë shqiptare që u vlerësua nga Presidenti italian me çmimin “Alfiere del Lavoro”

Me origjinë nga Durrësi dhe banuese në Taranto, Rahela Pashaj është vlerësuar nga Presidenti italian me çmimin “Alfiere del Lavoro”, mes 25 nxënësish ekselent, të përzgjedhur këta nga 3181 aplikimet e paraqitura nga drejtues shkollash nga e gjithë Italia.

Me origjinë nga Durrësi banuese në Taranto, Rahela Pashaj ditën e djeshme është vlerësuar nga Presidenti Italian me çmimin “Alfiere del Lavoro”.


Në ceremoninë e mbajtur në pallatin Quirinale Sergio Mattarella ka vlerësuar 25 nxënësit ekselent në Itali, mes tyre tre nga rajoni i Pulias Giacomo Calogero (student nga Taurisano), Rahela Pashaj (nga Taranto) dhe Giuseppe Scialpi (nga Martina) të përzgjedhur nga 3181 aplikimet e paraqitura nga drejtues shkollash nga e gjithë Italia.


Rahela Pashaj verën e kaluar u diplomua në shkollën e mesme “Galileo Ferraris” në Taranto me rezultate të shkëlqyera ndërsa aktualisht është studente në universitetin “Bocconi” në kursin “Ekonomi dhe Financa Ndërkombëtare”.



Çmimi “Alfieri del Lavoro” u krijua në vitin 1961, me rastin e njëqindvjetorit të Bashkimit të Italisë dhe vitin e kaluar festoi 60-vjetorin e tij. Nga viti 1961 deri në vitin 2022 janë akorduar 1,558 çmimi “Alfieri del Lavoro”.



© Portali Shkollor- Të gjitha të drejtat e rezervuara. Ndalohet kopjimi pa lejen tonë.

756 Lexime
3 muaj më parë