“Shqipëria dhe BE”, projekti i nxënësve të klasës së 8-të me mësuesin Jakup Zebi mbi integrimin evropian

Nxënësit e klasës së 8-të, nën udhëheqjen e mësuesit Jakup Zebi, kanë realizuar një projekt të veçantë me temë “Shqipëria dhe Bashkimi Europian”. Ky projekt kishte për qëllim të thellonte njohuritë e nxënësve mbi procesin e krijimit dhe zgjerimit të Bashkimit Europian, vështirësitë që ka kaluar Shqipëria në rrugën e integrimit, si dhe rolin e institucioneve europiane.

Nëpërmjet punës në grup, hulumtimeve dhe përdorimit të teknologjisë, nxënësit arritën të sjellin një panoramë të qartë mbi rëndësinë e integrimit europian për vendin tonë. Projekti shërbeu gjithashtu si një mënyrë për të zhvilluar aftësitë e tyre kërkimore, analitike dhe prezantuese, duke nxitur bashkëpunimin, mendimin kritik dhe respektin për idetë e njëri-tjetrit.

Ky aktivitet vlerëson jo vetëm njohuritë gjeografike e qytetare, por edhe përkushtimin e nxënësve për t’u angazhuar në tema me rëndësi kombëtare dhe europiane.

© Portali Shkollor- Të gjitha të drejtat e rezervuara. Ndalohet kopjimi pa lejen tonë.