Udhëzues praktik për mësuesit, hapat drejt digjitalizimit përmes Wordwall dhe Jeopardy - Nga Raimonda Sino

Nga: Raimonda Sino

Digjitalizimi i mësimdhënies kërkon qasje të qarta, mjete funksionale dhe orientim praktik për mësuesit. Në këtë kuadër, materialet e përgatitura për platformat Wordwall dhe Jeopardy synojnë të mbështesin përdorimin e qëndrueshëm dhe pedagogjik të teknologjisë në klasë.

Këta udhëzues praktik është ndërtuar hap pas hapi, duke i ardhur drejtpërdrejt në ndihmë mësuesve për:

• krijimin dhe menaxhimin e llogarive në platformat Wordwall dhe Jeopardy,
• ndërtimin e lojërave didaktike dhe kuizeve në funksion të objektivave mësimore,
• përshtatjen e aktiviteteve sipas lëndëve dhe niveleve arsimore,
• zbatimin konkret të tyre në procesin mësimor dhe në vlerësimin formues.

Wordwall përdoret si mjet për përforcimin e njohurive, aktivizimin e nxënësve dhe ndjekjen e progresit të të nxënit.

Jeopardy, i përshtatur për kontekstin arsimor, shërben si strukturë pyetje-përgjigje që nxit rikujtimin, arsyetimin dhe të menduarit kritik.

Materialet shoqëruese në PowerPoint janë konceptuar për të qenë të qarta, të strukturuara dhe lehtësisht të zbatueshme, duke i ofruar mësuesit siguri profesionale në përdorimin e mjeteve digjitale në klasë.

Wordwall

Jeopardy 

© Portali Shkollor- Të gjitha të drejtat e rezervuara. Ndalohet kopjimi pa lejen tonë.