Dedikim për mësuesen Jeta Begaj, që la gjurmë në zemrat e fëmijëve

Në përmbyllje të ciklit fillor, një prind ka ndarë një mesazh prekës mirënjohjeje për mësuesen Jeta Begaj, e cila për 5 vite ka qenë një figurë kyçe në formimin dhe edukimin e fëmijëve të klasës së 5-të në shkollën 9-vjeçare “Avni Rustemi” në Tiranë.

Mësuesja Jeta vlerësohet jo vetëm për profesionalizmin dhe përkushtimin e saj të jashtëzakonshëm, por edhe për dashurinë dhe durimin me të cilët u bë një nënë e dytë për fëmijët. 

Dedikimi i plotë i prindit:

Të dashur prindër, kolegë dhe miq,

Dua të ndaj me ju disa fjalë mirënjohjeje për një njeri të veçantë, mësuesen Jeta Begaj, e cila për rreth 5 vite me radhë ka qenë jo vetëm mësuese, por një nënë e dytë për fëmijën tim dhe për gjithë klasën në shkollën 9-vjeçare “Avni Rustemi” në Tiranë.

Falë saj, fëmijët tanë janë edukuar, janë formuar si individë me vlera, janë dëgjuar, përkrahur dhe janë rritur me dashuri e përkushtim.

Durimi, dashuria dhe profesionalizmi i saj janë të rrallë, dhe për ne, si prindër, kanë qenë një bekim i vërtetë.

Në një kohë kur përkushtimi dhe afërsia njerëzore janë bërë të rralla, mësuesja Jeta na tregoi se ende ka mësues që e dashurojnë profesionin me zemër.

Ajo do t’i mungojë jo vetëm fëmijës tim, por gjithë klasës, dhe besoj se do të mbetet përgjithmonë në kujtimet e tyre si një mësuese që dha më shumë se dije: dha zemrën e saj.

Faleminderit nga zemra, mësuese Jeta!

©Portali Shkollor- Të gjitha të drejtat e rezervuara. Ndalohet kopjimi pa lejen tonë.