Hapen aplikimet për praktikën profesionale për kandidatët për mësues

Kandidatët që synojnë të ushtrojnë profesionin e rregulluar të mësuesit kanë tashmë mundësinë të aplikojnë për zhvillimin e praktikës profesionale.

Ministria e Arsimit njofton se aplikimet do të kryhen online, nëpërmjet portalit e-Albania, për shërbimin “Aplikim për zhvillimin e praktikës profesionale (kandidatët për mësues)”.

Sipas njoftimit të Ministrisë së Arsimit, aplikimi do të jetë i hapur nga 26 gusht 2026, ora 08:00, deri më 4 shtator 2026, ora 23:59.

Kandidatët e interesuar duhet të aplikojnë brenda këtij afati dhe të ndjekin me kujdes udhëzimet e përcaktuara në shërbimin përkatës në e-Albania.

Praktika profesionale është një nga hapat që kandidatët për mësues duhet të ndjekin në kuadër të përmbushjes së kërkesave për ushtrimin e profesionit të rregulluar të mësuesit.

Afati i aplikimit: 26 gusht - 4 shtator 2026

Platforma: e-Albania

Shërbimi: “Aplikim për zhvillimin e praktikës profesionale (kandidatët për mësues)”

Ministria e Arsimit u bën thirrje të gjithë kandidatëve të interesuar që të mos e lënë aplikimin për ditët e fundit dhe të sigurohen që procedura të përfundojë brenda afatit të përcaktuar.

© Portali Shkollor- Të gjitha të drejtat e rezervuara. Ndalohet kopjimi pa lejen tonë.