Orë model në lëndën e gjuhës shqipe, klasa e gjashtë

Një orë mësimore ndryshe nga orët tradicionale, ku mësuesi dhe nxënësit diskutojnë lirshëm, shprehin mendimet e tyre. Gjatë një ore mësimi informacioni nuk ngelet vetëm në rrafshin teorik, por lidhet natyrshëm me jetën e përditshme. Ashtu sikurse nxënësit ndërthurën natyrshëm mesazhin e pjesës: "Nëse ne do të mposhtim frikën, atëherë do t'u bëjmë ballë të gjitha vështirësive në jetë". "Djali në pjesë mund të jetë secili prej nesh në jeten e përditshme, prandaj dhe autori nuk i ka vënë emër personazhit kryesor", u shprehën nxënësit.

Edhe prindërit ishin të pranishëm në këtë orë të hapur, të cilëve u la shumë mbresa ky takim. Secili prej tyre ishte mjaft i kënaqur nga përgjigjet e fëmijëve të tyre.

Tema mësimore: Nasi Lera “Djali dhe deti” 

Situata e të nxënit: Kurajo për të përballuar situata të vështira. 

Rezultatet e të nxënit të kompetencave të fushës sipas temës mësimore:

Nxënësi/ja:

- Diskuton rreth fenomenti të frikës.

- Dallon veçoritë e tregimit si lloj i tekstit letrar;

- Parashikon brendinë e tekstit duke u nisur nga fjalët kyçe.

- Shpreh ndjesitë, përjetimet dhe idetë që e shoqërojnë gjatë leximit të tekstit;

- Analizon personazhin e djalit.

- Gjen ngjashmëri dhe dallime mes djalit dhe vetes së tij;

           - Shkruan nje dialog imagjinar mes djalit dhe detit.

Lidhja e temës me njohuritë e mëparshme të nxënësve: Bashkëbisedim

Zhvilloj një bashkëbisedim me nxënësit.

- Ç’është frika?

-  A është normale që njerëzit të kenë frikë?

- Nga çfarë keni frikë? Si e përjetoni frikën?

-  A ka ndodhur që t’iu ketë kaluar frika që keni pasur nga diçka?

-  Si e keni mposhtur frikën?

-  A ka ndonjë prej jush frikë nga deti? - Çfarë ndjesish ju ngjall deti?

Ndërtimi i njohurive të reja: Lexim i drejtuar; pyetje- përgjigje; bashkëbisedim

Zhvilloj një bisedë hyrëse në të cilën prezantoj titullin e pjesës dhe autorin e saj. Kërkoj nga nxënësit të bëjnë parashikimet e tyre duke u bazuar te titulli i pjesës “Djali dhe deti”.

(Materialin e plotë mund ta shkarkoni më poshtë)

(Portali Shkollor)