RREGULLA PËR T’U ZBATUAR

Përgjegjësi ligjore dhe vetëdeklarim ditor, ja se çfarë duhet të kenë parasysh prindërit për këtë vit shkollor

Drejtoria e Përgjithshme e Arsimit Parauniversitar vjen me një njoftim të rëndësishëm lidhur me masat e reja që do të ndërmerren ndaj prindërve në prag të rifillimit të vitit të ri shkollor.

Drejtoria e Përgjithshme e Arsimit Parauniversitar (DPAP) vjen me një njoftim të ri për prindërit, lidhur me masat e reja që ata duhet t'i zbatojnë, kur vetëm pak ditë na ndajnë nga rifillimi i vitit të ri shkollor.


Me anë të një video që DPAP ka shpërndarë në faqen e saj në Facebook, i vë në dijeni prindërit se do t'u duhet të përgatiten për një "realitet të ri" i cili mund të jetë i ndryshëm nga sa e kanë njohur deri më tani. 

Prindërve do t'u duhet që ditën e parë të shkollës, të nënshkruajnë ose konfirmojnë në rrugë elektronike, tek mësuesi kujdestar për masat ndaj COVID-19 .


Me një përgjegjësi të madhe prindërit do t'u duhet të plotësojnë formularin e vetëdeklarimit ditor, mbi gjendjen shëndetësore të fëmijës. Si dhe prindërve nuk do t'u lejohet të futen brenda mjedisit të shkollës për asnjë lloj arsye.


Për më tepër mund të ndiqni videon e mëposhtëme nga DPAP.

Përgatiti: Marina Kërçeli

© Portali Shkollor- Të gjitha të drejtat e rezervuara. Ndalohet kopjimi pa lejen tonë 

20,170 Lexime
3 vjet më parë