Krijimi i pemës dhe oxhakut për Vitin e Ri në klasë, përgatitur nga mësimdhënësja Dardana Veliu

Projektet në grup ndihmojnë nxënësit të punojnë me njëri-tjetrin për të arritur një qëllim të përbashkët dhe të krijojnë pavarësinë e tyre që ata të eksplorojnë botën e zanatit dhe krijimtarisë!

Përmes këtij aktiviteti, nxënësit kuptojnë se çdo material ka karakteristika unike dhe eksplorimi u jep atyre ide se si të punojnë me materiale të ndryshme. Ky aktivitet nxit imagjinatën e fëmijëve, kreativitetin, ndërveprimin, komunikimin, ndihmon ata për të krijuar një personalitet sa më të qëndrueshëm, të gëzueshëm e miqësor, si dhe ndikon në zhvillimin e aftësive të tyre motorike.

Mjetet dhe materialet për krijimin e pemës së Vitit të Ri:

Degë peme apo druri (me degë të holla) me madhësi të ndryshme

Ngjitës

Gërshërë

Dekorime të ndryshme për Vitin e Ri

Letër e bardhë 

Letër ngjitëse dekoruese me ngjyra 

Pambuk për babagjyshin

Mjete dhe materialet e nevojshme për ndërtim të oxhakut:

Kuti të mëdha kartoni

Letër muri  ngjitëse me tulla

Gërshërë

Vizore

Ngjitës

Letër me ngjyra

Thikë prerëse artizanale

Dekorime të ndryshme nga letra 

Dru të prera

Festës së dëshirave dhe urimeve më së shumti i gëzohen fëmijët. Me padurim e të gëzuar dekorojnë pemën e Vitit të Ri, presin babagjyshin, por ajo që u pëlqen më së shumti janë dhuratat.

Më poshtë mund të gjeni disa fotografi të bëra gjatë aktivitetit.

Nga: Dardana Veliu, mësimdhënëse në SHFMU “Kongresi i Manastirit” në Podujevë

©Portali Shkollor– Të gjitha të drejtat e rezervuara. Ndalohet kopjimi pa lejen tonë.