"Nga leximi te kuptimi, sfida, praktika dhe politika" – ftesë për simpozium profesional në Prishtinë

Në kuadër të Dita Ndërkombëtare e Librit, më 23 prill 2026, në Prishtinë organizohet simpoziumi profesional “Nga leximi te kuptimi, sfida, praktika dhe politika”, një ftesë e hapur për profesionistët e arsimit që dëshirojnë të diskutojnë një nga sfidat më të rëndësishme të sistemit arsimor: zhvillimin e shkathtësive të leximit dhe kuptimit te nxënësit.

Simpoziumi organizohet nga ETEA dhe Albas dhe do të zhvillohet në Qendrën “Libart”, në ambientet e Biblioteka Hivzi Sulejmani, rruga “Sadik Bekteshi” nr. 16.

Pjesëmarrja në simpozium është e kufizuar në 60 persona, të cilët do të pajisen me certifikatë. Regjistrimi online është i obligueshëm. Regjistrohu në këtë link: https://docs.google.com/forms/d/e/1FAIpQLSfjeDE4uL_T0d3IQ9crZ-6uTCCIUlHCfgdRhXnjDEBIzB2MJQ/viewform 

Ky aktivitet synon të bashkojë ekspertë të arsimit, mësimdhënës, studiues dhe përfaqësues institucionalë për të analizuar sfidat aktuale në lexim, për të ndarë praktikat më efektive dhe për të diskutuar politikat që mund të përmirësojnë cilësinë e të nxënit në këtë fushë.

Programi i simpoziumit

Simpoziumi do të hapet me sesionin zyrtar nga ora 09:30–09:45, me fjalën hapëse nga Agon Ahmeti (drejtor në ETEA). Më pas do të pasojnë fjalë rasti nga Fatlum Hetemi (drejtor në Albas), Përparim Kryeziu (zëvendësministër në MASh, TBC) dhe Muhamet Gjoka (kryesues i Kolegjiumit për Arsim në ASK, TBC), duke shënuar nisjen zyrtare të aktivitetit.

Më pas zhvillohen dy panele kryesore:

Paneli 1: “Diagnoza – Pse nuk po e kuptojmë atë që lexojmë?”
Ky panel trajton shkaqet e vështirësive në kuptimin e leximit dhe sjell në diskutim ekspertë të fushës: Dukagjin Pupovci, Meliza Krasniqi, Naser Zabeli dhe Shpëtim Elezi. Paneli moderohet nga gazetarja e arsimit Nanila Allkja Biçaku.

Paneli 2: “Zgjidhjet – Si t’i përmirësojmë shkathtësitë e leximit?”
Ky panel fokusohet në qasje praktike dhe politika arsimore që ndikojnë drejtpërdrejt në përmirësimin e leximit. Diskutimet zhvillohen nga Xhavit Rexhaj, Artemisa Bushi, Agim Bujari dhe Arieta Bajrami, ndërsa moderohet nga Agon Ahmeti.

Pas paneleve do të ketë rrjetëzim mes pjesëmarrësve dhe një pushim të shkurtër.

Në përfundim të simpoziumit, do të hartohet një dokument rekomandimesh (policy brief), i cili synon të përmbledhë gjetjet kryesore dhe të ofrojë sugjerime konkrete për përmirësimin e praktikave të mësimdhënies dhe politikave arsimore në fushën e leximit.

Ky simpozium synon të krijojë një hapësirë profesionale dialogu dhe bashkëpunimi, duke kontribuar në rritjen e cilësisë së arsimit dhe zhvillimin e aftësive të leximit te nxënësit.

Të gjithë të interesuarit janë të mirëpritur të aplikojnë brenda afatit, pasi vendet janë të kufizuara.

© Portali Shkollor- Të gjitha të drejtat e rezervuara. Ndalohet kopjimi pa lejen tonë.