Një takim letrar në shkollën e mesme profesionale “Gjergj Canco”mbi librin “Dritëhijet, fatet”

Në kuadër të aktiviteteve të muajit prill, si muaji i librit, Shkolla Profesionale Tekniko-Elektrike “Gjergj Canco” në Tiranë, në mjediset e bibliotekës së shkollës zhvilloi një takim letrar mbi librin “Dritëhijet, fatet”, ku e ftuar ishte vetë autorja e veprës, Xhoana Jakun. Në këtë takim ishin të pranishëm studentë nga të katërta vitet e shkollës profesionale, së bashku me mësueset përkatëse të lëndëve. 

Gjatë takimit, studentët listuan një sërë pyetjesh mbi veprën “Dritëhijet”, por edhe pyetje të përgjithshme mbi tematikat e librave, preferencat dhe autorëve më të preferuar. Duke qenë një shkollë profesionale, ku shkencat ekzakte dhe teknologjia mbeten kryefjalë, studentët së bashku me autoren diskutuan mbi dobitë e teknologjisë dhe anët negativenë lexim. Marrë shkas edhe nga libri “Dritëhijet”, takimi u përqendrua shumë në temën:Inteligjenca njerëzorevsInteligjenca artificiale. 

Xhoana, autorja e librit, i pyeti nxënësit e shkollës së mesme: 

- A besoni se një makineri mund të përçojë në letërsi ndjeshmërinë njerëzore?

Studentët gëzonin një qasje pozitive ndaj të mirave të ofruara nga teknologjia, ndërkohë nuk i kursenin dyshimet sa i takon letërsisë artificiale. 

Libri “Dritëhijet”, duke qenë se është i ndërtuar në zhanrin disutopik, e trajton këtë tematikë, si dhe problematika të njeriut dhe raporteve që e lidhin atë me botën e jashtme. Përgjatë takimit u krijua një atmosferë produktive, në shkëmbimet e mendimeve dhe ideve. Sigurisht nuk munguan as batutat me natyrë utopike, që nxënësit propozuan drejt një të ardhme më të mirë. 

© Portali Shkollor- Të gjitha të drejtat e rezervuara. Ndalohet kopjimi pa lejen tonë.