Si të rrisni produktivitetin gjatë provimeve dhe të largoni stresin

Në një epokë ku aftësia për të mësuar dhe për të performuar në një ambient akademik ose shkollor ndryshon nga një person në tjetrin, strategjitë e duhura për sezonet e provimeve janë thelbësore për suksesin në shkollë apo universitet.

Në vazhdim kemi bashkërenditur disa pika kyçe të cilat ndihmojnë nxënësit ose studentët në arritjen e suksesit gjatë sezoneve të provimeve:

Krijoni ambientin tuaj të studimit

Krijimi i një mjedisi ideal studimi ndihmon në përqendrimin dhe produktivitetin gjatë sezoneve të provimeve. Gjetja e hapësirës së duhur dhe përshtatja e saj me preferencat personale mund të ndihmojë në përmirësimin e fokusit dhe performancës akademike.

Mbani shënime

Përdorimi i teknikave të mbajtjes së shënimeve, qoftë ato tradicionale ose digjitale, ndihmojnë në organizimin dhe rishikimin e materialeve në një mënyrë efikase, duke e bërë më të lehtë për nxënësit të kuptojnë dhe të rishikojnë informacionin në një mënyrë që u përshtatet preferencave të tyre të studimit.

Eksploroni në internet

Burimet arsimore në internet ofrojnë një gamë të gjerë me materialeve të cilat ndihmojnë nxënësit për të përmirësuar aftësitë e tyre studimore. Një uebsajt që mund të përdoret është Studocu, i cili ofron shënime shkollore apo edhe lejon mundësinë e krijimit të kuiceve për të përmirësuar të mësuarit.

Përdorni mjetet interaktive 

Mjetet interaktive si kuizet në internet dhe kartat flash i bëjnë sesionet e studimit më tërheqëse dhe efektive duke ofruar një përvojë mësimore fitimprurëse.

Balancimi i shëndetit mendor me suksesin akademik

Mirëqenia mendore dhe shëndeti janë faktorë të rëndësishëm për suksesin akademik. Përfshirja e praktikave të mirëqenies në rutinën e studimit ndihmon në zvogëlimin e stresit dhe ndihmon në përmirësimin e performancës së nxënësit. Në këtë mënyrë, nxënësit janë më produktivë në rrugën drejt suksesit akademik.

Përfshirja e praktikave të mirëqenies dhe krijimi i një mjedisi studimi që është i përshtatshëm për nxënësit, maksimizon produktivitetin e tyre dhe ndihmon ata të përballen më lehtë me sfida. Prandaj, përshtatja e strategjive dhe mjeteve për të përshtatur stilin unik të të mësuarit është çelësi për të bërë seancat e studimit më efektive dhe më të suksesshme.

Burimi: Kliko këtu

Përgatiti: Arlinda Hajdaraj, gazetare përgjegjëse e Portalit Shkollor Albas për Kosovën. 
©Portali Shkollor- Të gjitha të drejtat e rezervuara. Ndalohet kopjimi pa lejen tonë.