Sjelljet kyçe të mësuesve ndaj nxënësve

Nga Gjok Gjergji, mësuesi i shkollës Rrape, Pukë

1.Respekt dhe barazi për të gjithë. 

• Mësuesi nuk favorizon nxënës të caktuar.  
• Respekton mendimet e tyre. edhe kur janë të ndryshme.  
• Përdor emrin e nxënësit kur i drejtohet, me ton të qetë.

2.Komunikim i qartë, pozitiv dhe motivues

• Jep udhëzime të kuptueshme dhe miqësore.  
• Përdor fjalë nxitëse si: "Bravo!", "Shumë mirë!", "Ke përmirësim!"  
• Nuk përdor ofendime apo nënvlerësime.

3.Durim dhe mirëkuptim  

• Kupton që jo të gjithë nxënësit mësojnë njësoj.  
• Në vend të kritikës, ndihmon nxënësin që ka ngecje.  
• Tregon kujdes të veçantë për nxënësit me vështirësi në sjellje ose të spektrit autik.

4.Mbështetje dhe inkurajim

• I përfshin nxënësit në mësim me pyetje dhe aktivitete.  
• I lejon të shprehen lirshëm pa frikë nga gabimet.  
• I vlerëson për përpjekjen, jo vetëm për rezultatin.

5.Drejtësi dhe rregulla të qarta

• Disiplinon pa zë të lartë, me qetësi dhe argument.  
• Zbaton të njëjtën rregull për të gjithë.  
• Nuk e përdor dënimin si mjet frikësimi.

6.Shembull për nxënësit

• Tregon sjellje të kulturuar, të pastër dhe të ndershme.
• Respekton orarin, mban premtimet dhe është i përgjegjshëm.

7. Kufij profesionalë dhe etikë 

• Nuk shoqërohet me nxënës jashtë mjedisit shkollor në mënyrë jo profesionale.  
• Nuk shpërndan preferenca personale politike/fetare.  
• Ruan konfidencialitetin për çdo informacion.

© Portali Shkollor - Të gjitha të drejtat e rezervuara. Ndalohet kopjimi pa lejen tonë.