Studim shqetësues: 1 në 3 fëmijë nisin shkollën pa ditur të përdorin librin, përpiqen ta “shfletojnë” si telefon!

Një studim i publikuar nga Sky News, bazuar në një anketë kombëtare të organizatës britanike të arsimit të hershëm Kindred Squared, ka ngritur alarmin për rënien e ndjeshme të gatishmërisë së fëmijëve për të nisur shkollën.

Sipas gjetjeve, pothuajse një e treta e fëmijëve që nisën klasën e parë (reception) vitin e kaluar nuk ishin në gjendje të përdornin librat siç duhet, ndërsa disa prej tyre përpiqeshin t’i preknin ose t’i “shfletonin” faqet sikur të ishin ekrane telefoni inteligjent.

Studimi evidenton gjithashtu se:

Rreth 28% e fëmijëve filluan shkollën pa qenë në gjendje të hanin dhe pinin në mënyrë të pavarur.
Rreth 25% kishin vështirësi me aftësi bazë të jetës së përditshme.
Një në katër fëmijë nuk ishte i trajnuar për përdorimin e tualetit.

Mësuesit raportojnë se një pjesë e konsiderueshme e kohës së tyre mësimore po shpenzohet për ndihmë në këto nevoja bazë. Mesatarisht, stafi arsimor shpenzon 1.4 orë në ditë duke ndihmuar fëmijë që nuk janë të trajnuar për tualet dhe 2.4 orë mësim humbasin çdo ditë për shkak të mungesës së aftësive themelore.

Mbi gjysmën e mësuesve të anketuar theksojnë se përdorimi i tepruar i ekraneve nga fëmijët dhe prindërit është një nga arsyet kryesore pse fëmijët nuk vijnë të përgatitur në shkollë.

Drejtoresha ekzekutive e Kindred Squared, Felicity Gillespie, e cilëson situatën si një “krizë sistemike”, duke theksuar se nuk bëhet më fjalë vetëm për problem të klasës, por për një fenomen që lidhet me presionet ekonomike, mungesën e informacionit për prindërit dhe burimet e kufizuara të shkollave.

Qeveria britanike ka vendosur si objektiv që deri në vitin 2028, 75% e fëmijëve të jenë “gati për shkollë”. Aktualisht, sipas të dhënave zyrtare, 68.3% e fëmijëve arrijnë një nivel të mirë zhvillimi në fund të vitit të parë shkollor.

Në një anketë tjetër me 1,000 prindër të fëmijëve 4–5 vjeç, 88% e prindërve besojnë se fëmija i tyre është gati për shkollë, ndërsa 94% shprehen se do të dëshironin udhëzime kombëtare se si të përgatisin më mirë fëmijët për nisjen e arsimit.

Çfarë nënkupton kjo për Shqipërinë?

Edhe pse studimi është realizuar në Mbretërinë e Bashkuar, gjetjet e tij pasqyrojnë një realitet që ngjan gjithnjë e më shumë edhe në vendin tonë:fëmijë që kalojnë shumë kohë para ekraneve, mungesë e leximit të hershëm në familje dhe vështirësi në zhvillimin e pavarësisë personale.

Ky studim është një thirrje për: