“Gjashtëdhjetë gabimet e prindërve në tri vitet e para të jetës së fëmijës”, botim i ri nga Albas

Prindërimi është puna më e bukur, por edhe më e vështirë që ne njerëzit mund të përjetojmë. Mban me vete një grusht emocionesh dhe kujtimesh të bukura, detyrime e përgjegjësi, por edhe frikë. Frika është një dukuri normale dhe e natyrshme për çdo prind, veçanërisht për prindërit e rinj. 

Qindra pyetje kalojnë në kokën e tyre dhe informacioni që arrin te ta shpesh është i paverifikuar dhe i pasaktë. Këshillat vijnë nga të gjitha anët, nga familjarët, shoqëria dhe në internet apo rrjete sociale mund të gjeni të gjitha llojet e faqeve që këshillojnë prindërit e rinj. 

Një prind i papërvojë, me qëllimet më të mira, më pas bën një gabim në edukim që mund të jetë shumë i padëmshëm, por mund të ketë edhe pasoja të mëdha…

Gjithçka që prindërit duhet të dinë për zhvillimin dhe edukimin e fëmijëve, që nga dashuria e deri në problemet, e gjeni në këtë botim.

© Portali Shkollor - Të gjitha të drejtat e rezervuara. Ndalohet kopjimi pa lejen tonë.