Model vlerësimi për Mësuesin Koordinator të Sigurimit të Cilësisë në arsim

Modeli i vlerësimit për mësuesin koordinator të cilësisë synon transparencë, objektivitet dhe zhvillim profesional. I ndërtuar mbi dokumente udhëzuese, ai përfshin tre dimensione kyçe të rolit dhe është i lehtë për t’u përdorur në praktikë. Formatin e vlerësimit e gjeni më poshtë.

Në mbështetje të Udhëzuesit të Mësuesit Koordinator të Sigurimit të Cilësisë në Arsimin Parauniversitar dhe Shtojcës 8 – Formati i Vlerësimit të Performancës, është hartuar një model praktik vlerësimi, i cili synon të rrisë transparencën, objektivitetin dhe profesionalizmin në këtë funksion të rëndësishëm në institucionet arsimore.


Raimonda Sino, koordinatore e cilësisë, ka konceptuar këtë model si një mjet të thjeshtë në përdorim, por të plotë në përmbajtje, duke reflektuar përvojën nga terreni dhe nevojat konkrete të shkollave.


Qëllimet e modelit janë:

  • Të mundësojë një vlerësim të drejtë, të dokumentuar dhe të unifikuar të performancës së koordinatorit të cilësisë;
  • Të shërbejë si instrument reflektimi dhe zhvillimi profesional për mësuesit që mbajnë këtë rol;
  • Të krijojë një standard të përbashkët, në përputhje me dokumentet udhëzuese kombëtare.


Modeli përfshin tre dimensionet thelbësore të rolit të koordinatorit:

  1. Zhvillimi i vazhdueshëm profesional i mësuesve
  2. Sigurimi i cilësisë dhe përmirësimi i arritjeve të nxënësve
  3. Planifikimi dhe zhvillimi i kurrikulës


Ftohen të gjithë kolegët dhe profesionistët e arsimit që ta përdorin, ta përshtatin sipas kontekstit të shkollës së tyre dhe mbi të gjitha, ta ndajnë, për të pasuruar më tej modelin me përvoja konkrete nga praktika.



Formatin e vlerësimit e gjeni më poshtë në PDF. 


©Portali Shkollor- Të gjitha të drejtat e rezervuara. Ndalohet kopjimi pa lejen tonë.

481 Lexime
5 orë më parë