Pas suksesit të dy librave të mëparshëm, ALBAS sjell botimin e ri të Mel Robbins: “Lëri… si ta ndiejnë”

Pas suksesit të librave “Rregulla e 5-sekondëshit” dhe “Shprehia e vetëbrohoritjes”, në shtëpinë botuese “Albas” vjen libri “Lëri… si ta ndiejnë” nga Mel Robbins.

Një shprehje e thjeshtë që do të ndryshojë mënyrën si e sheh jetën tënde.

Nëse po has vështirësi për të arritur qëllimet e tua ose për t’u ndier pak më i/e lumtur, problemi nuk je ti. Problemi qëndron te fuqia që ti u jep të tjerëve mbi jetën tënde.

Në këtë libër ti do të mësosh se si një shprehje e thjeshtë “Lëri… si ta ndiejnë” mund të të çlirojë nga opinionet, dramat dhe gjykimet e të tjerëve. Të të çlirojë nga cikli rraskapitës i përpjekjeve për të kontrolluar gjithçka dhe këdo që të rrethon.

Ka një mënyrë më të mirë për të jetuar.

Teoria “Lëri… si ta ndiejnë” është një metodë e provuar që të mëson si të mbrosh kohën dhe energjinë tënde, dhe të përqendrohesh tek ajo që ka vërtet rëndësi për ty. Ke kaluar shumë kohë duke kërkuar miratimin e të tjerëve, duke u përpjekur të menaxhosh lumturinë e tyre dhe duke lejuar që opinionet e tyre të të pengojnë të ecësh përpara. Mëso si të mos ua dorëzosh më të tjerëve fuqinë tënde, dhe si të fillosh të krijosh një jetë ku të parat vijnë: ëndrrat e tua, qëllimet e tua dhe lumturia jote.

“Lëri… si ta ndiejnë” është një mjet i thjeshtë për të cilin miliona njerëz në mbarë botën nuk reshtin së foluri, sepse funksionon. Mënyra më e shpejtë për të marrë kontrollin e jetës sate është të mos përpiqesh më për të kontrolluar të tjerët, dhe të përqendrohesh tek ajo që mund të kontrollosh vërtet: vetja jote.

Duke i lënë të tjerët të jetojnë jetën e tyre, edhe ti mund ta jetosh tënden më në fund.

© Portali Shkollor - Të gjitha të drejtat e rezervuara. Ndalohet kopjimi pa lejen tonë.