Triumfon “Ismail Qemali”, gjimnazi më i talentuar
TAF ka shpallur fituesit e edicionit të parë, ku ka triumfuar Gjimnazi “Ismail Qemali”, si shkolla me më shumë prurje talentesh të reja
Shpallen fituesit e edicionit të parë të Tirana Art Fest, triumfon gjimnazi “Ismail Qemali”. 14 gjimnaze të kryeqytetit u mblodhën në sheshin “Nënë Tereza” në finalen e madhe të TAF. Gjatë mbrëmjes u ndanë çmimet në muzikë dhe kërcim.
TAF ka shpallur fituesit e edicionit të parë, ku ka triumfuar Gjimnazi “Ismail Qemali”, si shkolla me më shumë prurje talentesh të reja.
Meirsa Skëndaj - Vendi i Parë (Gjimnazi Petro Nini Luarasi)
Ana Bakaj - Vendi i dytë (Gjimnazi Qemal Stafa)
Klaudio Mesuti - Talenti i Ri (Gjimnazi Sinan Tafaj)
Twins - Dueti më i Mirë (Gjimnazi Myslym Keta)
Tre hajdutët - Vallja popullore më e mirë (Gjimnazi Aleks Buda)
Fonix Empire - Grupi më i mirë i vajzave (Gjimnazi Qemal Stafa)
Best of The Best - Performanca më e mirë në kërcim (Gjimnazi Eqrem Çabej)
Të pranishëm në natën finale ishin: Ministrja e Arsimit dhe Sportit Lindita Nikolla, kryebashkiaku i Tiranës Erion Veliaj, Drejtoresha e Drejtorisë Arsimore Rajonale Tiranë Arjola Byzykaj si dhe katër koordinatorët artistikë Bojken Lako, Klajdi Selimi, Gjergji Trola, Albes Fusha. Nuk kanë munguar të ftuar personazhe nga media dhe arti.
Fituesit e dy vendeve të para në muzikë kanë fituara secili një kontratë melabel-in 360° Records për realizimin e një kënge dhe videoklipi, ndërsa fituesit e kërcimit më të mirë një kontratë një vjeçare me AlbRobot për një turne në mbarë Shqipërinë.
Nata finale është mbyllur me premtimin e Kryebashkiakut Veliaj për ta vazhduar edhe në vitet e ardhshme këtë event që bëri bashkë të rinjtë dhe talentet e tyre në një aktivitet kulturor.
Aktiviteti u organizua nga organizata LIBURNETIK dhe Bashkia Tiranë, nëpërmjet Drejtorisë së Rinisë, organizuan projektin TAF, “Tirana Art Fest”.
(Portali Shkollor)
“Manushaqja”, tregim nga Iriana Papamihali
Gëzuar “7 Marsin” të gjithë bartësve të dijes!
“Manushaqja”, tregim nga Iriana Papamihali