![](https://www.portalishkollor.al/upload/media/entries/2024-02/19/7295-0-c1e1e2304ef35b411183e4c8104c37ff.jpg)
ALBAS dhuron libra për fëmijët shqiptar të shkollës shqipe “Pranë Teje” në Romë
Shtëpia Botuese Albas u bë mbështetëse e rrugëtimit të fëmijëve që mësojnë gjuhën shqipe në shkollën “Pranë Teje”, në Romë, me mundësimin e disa librave didaktik dhe artistik për moshat 6-13 vjeç. Shkolla është krijuar dhe vetëfinancuar nga mësuesi shqiptar Edmond Ndoj.
Në Romë të Italisë, në Torre Nova, gjendet një shkollë shqipe e quajtur “Pranë Teje”, që u mëson shqip 30 fëmijëve shqiptarë që jetojnë në Romë. E krijuar dhe vetëfinancuar nga mësuesi shqiptar Edmond Ndoj, kjo shkollë është një gur themeli për ruajtjen dhe trashëgimin e gjuhës shqipe ndër breza.
Të shtunën e 17 Shkurtit, në ditën e Pavarësisë së Kosovës, Shtëpia Botuese Albas, u bë një mbështetëse e këtij rrugëtimi, pasi iu përgjigj menjëherë pozitivisht kërkesës së Lëvizjes “Shqipëria Bëhet” për mundësimin e disa librave për fëmijët e moshave 6-13 vjeç.
![](https://www.portalishkollor.al/upload/media/entries/2024-02/19/7295-2-c1e1e2304ef35b411183e4c8104c37ff.jpg)
Që nga Abetarja mbarëkombëtare, paketa “Gjuha dhe kultura shqiptare, niveli 1”, apo titujt e figurave të njohura shqiptare, të përshtatura për fëmijë, si “Më quajnë Vaçe Zela”, “Më quajnë Gjergj Kastrioti Skënderbeu”, “Më quajnë Musine Kokalari”, etj, janë tashmë në duart e këtyre fëmijëve.
![](https://www.portalishkollor.al/upload/media/entries/2024-02/19/7295-4-c1e1e2304ef35b411183e4c8104c37ff.jpg)
![](https://www.portalishkollor.al/upload/media/entries/2024-02/19/7295-5-c1e1e2304ef35b411183e4c8104c37ff.jpg)
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
"Vargje të lira" Migjeni - Lexim i komentuar nga Rita Petro
Gazmend Kapllani promovon librin, "I keqi i vetes" përtej letërsisë së emigracionit
QKLL shpall tre fituesit e fondit për autorët e rinj, mes tyre edhe Dionis Prifti nga Albas