E-libri shkollor, Albas vijon trajnimet e mësuesve

Të nderuar drejtorë dhe mësues të shkollave të arsimit parauniversitar publik dhe privat,

Ju falënderojmë për mbështetjen tuaj për mbarëvajtjen e trajnimeve që Shtëpia Botuese Albas po zhvillon me mësueset dhe mësuesit për përdorimin e platformës dhe teksteve digjitale.

Ju njoftojmë që Shtëpia Botuese Albas vijon trajnimet e mësuesve të shkollave të mesme për përdorimin e platformës dhe teksteve të saj digjitale.

Trajnimet në Albas për librin digjital dhe përdorimin e tij në orën e mësimit zhvillohen çdo të shtunë. Secila datë trajnimi ka një specifikë të veçantë. Kjo e shtunë është programuar të jetë për të gjithë mësuesit të cilët kanë hasur vështirësi në: regjistrimin në portalishkollor.al, shkarkimin e platformës e-libri shkollor albas dhe përdorimin e librit elektronik me efikasitet në orën e mësimit.

Të gjithë mësuesit janë të mirëpritur në ambientet tona ditën e shtunë, datë 22 tetor, në adresën autostrada Tiranë-Durrës, kilometri i katërt, në orën 10:00.

Trajnimet do të zhvillohen nga ekspertët e Portalit Shkollor Albas.

Për çdo nevojë dhe sugjerim, jeni të lutur të na kontaktoni në: [email protected] ose në numrat 04 231 9002 dhe 0697098026.

Ju mirëpresim!