![](https://www.portalishkollor.al/upload/media/entries/2022-12/06/6555-0-e7c8c12404c467e2d8e7266b1bc412dd.jpg)
“Hajdutja e buzëqeshjeve” ndalet mes nxënësve të shkollës “Andon Xoxa”, në Fier
Autorja dhe redaktorja e shtëpisë botuese “Albas”, Sevi Lami Agolli, e filloi muajin festiv me një aktivitet të bukur me nxënësit e klasave të pesta të shkollës “Andon Xoxa” në Fier. Tema e këtij takimi ishte roli i librave dhe i leximit te ta, teksa Lami promovoi dhe librin e saj “Hajdutja e buzëqeshjeve”.
Autorja dhe redaktorja e shtëpisë botuese “Albas”, Sevi Lami Agolli, e filloi muajin festiv me një aktivitet të bukur me nxënësit e klasa të pesta të shkollës “Andon Xoxa” në Fier.
Tema e këtij takimi ishte roli i librave dhe i leximit te ta, si dhe prezantimi i librit fitues të fondit të letërsisë për fëmijë, “Hajdutja e buzëqeshjeve”.
Ky takim e kishte pikënisjen nga dëshira e nxënësve të klasave të pestave dhe e mësueseve të tyre, dhe veçanërisht e nxënëses Ioana Vojanoviç, për të pasur takime letrare me vetë autorët shqiptarë, për të biseduar nga afër me ta dhe për t’u njohur më shumë me punën e një autori të librave për fëmijë.
Takimi i organizuar në oborrin i shkollës për shkak të numrit të madh të nxënësve, nisi në një mënyrë mbresëlënëse.
![](https://www.portalishkollor.al/upload/media/entries/2022-12/06/6555-2-e7c8c12404c467e2d8e7266b1bc412dd.jpg)
Nxënësit shpërthyen në duartrokitje, sapo autorja, Sevi Lami Agolli, dhe stafi shoqërues i shtëpisë botuese Albas, hyri në mjedisin e oborrit të shkollës. Mbi tryezën e mbushur me botime artistike nga shtëpia botuese “Albas”, ishte edhe libri “Hajdutja e buzëqeshjeve”, ku autorja u ndal më gjatë, për të shpjeguar tematikën e librit, aq shumë të domosdoshme në jetën e përditshme të çdo nxënësi të kësaj grupmoshe.
![](https://www.portalishkollor.al/upload/media/entries/2022-12/06/6555-4-ffea8d9953c5ef2899f1f332edc47e00.jpg)
Temat aktuale të trajtuara në tregimet e librit u pritën me kërshëri nga nxënësit, të cilët ngrinin vazhdimisht duart për të bërë pyetje të ndryshme mbi librin. Pyetjet e tyre vijuan edhe pas mbylljes së takimit, aq sa autorja u premtoi një takim tjetër, ku të diskutonin më shumë mbi rolin e leximit dhe librave në jetën e tyre dhe mbi tregimet e librit “Hajdutja e buzëqeshjeve”.
![](https://www.portalishkollor.al/upload/media/entries/2022-12/06/6555-6-ffea8d9953c5ef2899f1f332edc47e00.jpg)
Për organizimin e këtij takimi kaq të ngrohtë, një falënderim i veçantë shkon për mësueset e klasave të pesta të kësaj shkolle, për mësueset Anila Sota, Miglena Sofroni, Majlinda Hallanjaku, Elvira Pulaj, Valbona Mone, si dhe prindin e nxënëses Ioana Vojanoviç.
![](https://www.portalishkollor.al/upload/media/entries/2022-12/06/6555-8-ffea8d9953c5ef2899f1f332edc47e00.jpg)
![](https://www.portalishkollor.al/upload/media/entries/2022-12/06/6555-9-ffea8d9953c5ef2899f1f332edc47e00.jpg)
Përgatiti: Xhoana Jaku
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
"Vargje të lira" Migjeni - Lexim i komentuar nga Rita Petro
"Koni nuk ka më frikë nga virusi"- Doktor Pipero lexon për fëmijët
Latif Ajrullai, profesori i shkencave dhe presidenti i kompanisë “Albas”