![](https://www.portalishkollor.al/upload/media/entries/2023-03/19/6726-0-f4999687dedd2fa35e2b1d729d25a3e0.jpg)
Natasha Pepivani mbush 75-vjeç, Rita Petro: Një grua e rrallë, një profesioniste e shkëlqyer e gjuhës shqipe
Kryeredaktorja e Shtëpisë Botuese Albas por edhe autorja e shumë teksteve shkollore, Natasha Pepivani, mbush sot 75-vjeç. Rita Petro, presidentja e kompanisë ALBAS, por edhe mikja e saj prej vitesh, veçon në këtë ditë të shënuar urimet më të bukura e domethënëse për të...
“Natasha e dashur, e vështirë të gjesh fjalët e duhura në përvjetorin tënd të 75-të për atë çka ke dhënë për mua personalisht dhe për Albasin, por edhe më tej.
Një shkollë e madhe profesionale, dashurie, bujarie, tolerance, emancipimi, e mbi të gjitha, ke treguar se si mund të buzëqeshësh edhe në momentet më të vështira që të ka sjellë jeta.
Ti je shembulli më i përkryer i njeriut që nuk plaket kur nuk ndalet së punuari duke qenë mendjehapur pa u trembur nga asnjë sfidë teknologjike e kohëve të sotme moderne. Ti pa dyshim ke një kontribut të jashtëzakonshëm si një nga redaktoret më të mira të gjuhës shqipe, veçanërisht në fushën e teksteve shkollore. Ti je ajo gruaje modeste me mëngët e përveshura ashtu siç ke dalë dhe në foto.
Nuk e di se çfarë fati kam patur që ditën e parë kur punuam në të njëjtën zyrë (1985) në Shtëpinë Botuese të Librit Shkollor dhe vazhdojmë së bashku ëndrrën tonë, që e nisëm me Laton, duke qenë sot të pranishëm me tekstet tona kudo ku mësojnë nxënësit shqiptarë. Fati më takoi me ty, por dashuria dhe respekti për njëra-tjetrën na mbajtën kaq vite e do të na mbajnë deri në fund. Shumë përqafime në ditën tënde të lindjes dhe shumë urime që t'i mbushesh e t'i kalosh të 100-tat”.
Nga Rita Petro
©Portali Shkollor- Të gjitha të drejtat e rezervuara. Ndalohet kopjimi pa lejen tonë.
"Vargje të lira" Migjeni - Lexim i komentuar nga Rita Petro
Gazmend Kapllani promovon librin, "I keqi i vetes" përtej letërsisë së emigracionit
QKLL shpall tre fituesit e fondit për autorët e rinj, mes tyre edhe Dionis Prifti nga Albas