ORË E HAPUR

Mënyra efikase sesi nxënësit mund ta përshkruajnë motin

Mësuesja Ariana Rizvanolli e shkollës Gjergj Fishta, Gjakovë, zgjedh një mënyrë të veçantë për të prezantuar fëmijët me motin. Mënyra më e mirë sesi nxënësit mund ta përthithin mësimin, është përmes anës vizuale, pra duke pikturuar.

Mësuesja Ariana Rizvanolli e shkollës Gjergj Fishta, Gjakovë, zgjedh një mënyrë të veçantë për të prezantuar fëmijët me motin. Mënyra më e mirë sesi nxënësit mund ta përthithin mësimin, është përmes anës vizuale, pra duke pikturuar. 


Kohë me diell, kohë e vranët, kohë me shi, retë, etj. Secili nxënës krahas pikturave duhej të përshkruante motin. Mësuesja zgodhi që pikturat më të mira t'i ekspozojë në klasë dhe nxënësit e vegjël, të klasës së parë, çdo ditë të tregojnë motin. 


Pyetja që i bëheshin nxënësve ishin:  "Si është koha sot"?, "A kemi sot një ditë me shi apo një ditë me diell?", "Po dje si mund ta përshkruani motin"?. 

Veçantia e këtij aktiviteti ishte fakti që nxënësit u lanë të lirë të pikturonin motin ashtu siç e imagjinuan. Përshembull, ditën me vranësira e pikturuan me tiparet e një njeriu të mërzitur, ndërsa ditën me diell me tiparet e një njeriu të lumtur. Pra, perceptimi i fëmijëve, sipas mësues është se koha me shi i bën ata të ndihen më pak mirë, ndërsa ditët me diell, i bën ata të ndihen të gëzuar.


Një aktivitet i tillë ngjall mjaft kureshtje, dëshirë dhe pasion fëmijëve. Pjesmarrja e tyre dhe kujdesi për ta realizuar në mënyrën më të mirë të mundshme reflektohet në pikturat që ata realizuan 

(Përgatiti P.Shtini; Portali Shkollor)

524 Lexime
1 javë më parë