Shkrimtarja koreano-jugore Han Kang fiton Çmimin Nobel në Letërsi 2024

Han Kang u nderua me Çmimin Nobel për Letërsinë për vitin 2024 për "prozën e saj intensive poetike që përballet me traumat historike dhe ekspozon brishtësinë e jetës njerëzore." Ky motivim nënvizon thellësinë dhe ndjeshmërinë e veprave të saj, të cilat shpesh trajtojnë çështje si dhuna, identiteti dhe pasojat emocionale të ngjarjeve historike.

Pas tre ditësh çmime Nobel për nder të punës në shkenca, çmimi i Letërsisë është shpallur nga Komiteti Nobel në Akademinë Suedeze.

Sipas Akademisë, krijimtaria e saj “përballet me trauma historike dhe grupe rregullash të padukshme dhe, në secilën prej veprave të saj, ekspozon brishtësinë e jetës njerëzore. Ajo ka një vetëdije unike për lidhjet midis trupit dhe shpirtit, të gjallëve dhe të vdekurve dhe në stilin e saj poetik dhe eksperimental është bërë një novator enë prozën bashkëkohore”.

Kjo shpallje erdhi në një moment të rëndësishëm për letërsinë globale, duke e vendosur Kang si një nga shkrimtaret më të njohura të brezit të saj. Han është autorja e parë koreano-jugore që fiton çmimin e letërsisë dhe vetëm gruaja e 18-të nga 117 çmimet e dhëna që nga viti 1901.

Han Kang lindi më 27 nëntor 1970 në Seul. Veprat e Han Kang e kanë vendosur atë në qendër të vëmendjes për stilin e saj të veçantë dhe trajtimin e temave të ndjeshme dhe komplekse.

Han Kang është e njohur për romanin e saj, si Vegetariania (The Vegetarian), e cila me të fitoi Çmimin Man Booker Ndërkombëtar në vitin 2016. Ishte i pari nga librat e saj që u botua në anglisht.

Ndërkohë ky roman i njohur i saj, "Vegjetariania", ka ardhur i përkthyer edhe në shqip nga Shtëpia Botuese "Onufri" e botuesit Bujar Hudhrit. Në të trajtohen tema të thella si identiteti, dhuna dhe shoqëria. Ai është një roman për prejardhjen e një gruaje në sëmundje mendore dhe neglizhencë nga familja e saj.

Publikime të tjera përfshijnë “Leksionet greke” të vitit 2011, “Libri i bardhë” i vitit 2016 dhe “Ne nuk ndahemi” të vitit 2021. Ajo gjithashtu ka shkruar libra të tjerë të njohur si Veprat Njerëzore (Human Acts), e cila flet për ngjarjet e Kryengritjes së Gwangju-t, dhe Libri i Bardhë (The White Book), një reflektim mbi dhimbjen dhe kujtesën.

Nanila Allkja Biçaku