Model për vlerësimin e nxënësve në procesin mësimor

Për vlerësimin e nxënësve përgjatë veprimtarive mësimore, mësimdhënësi Mentor Hajrizi, sjell një model liste për kolegët e tij të gjuhës shqipe nga shkollat e mesme të larta të qyteteve të ndryshme të Kosovës, të Shqipërisë dhe të Maqedonisë.

Lista është ndarë në dy periudha; në periudhën e parë dhe në periudhën e dytë. Ajo vlen për vlerësimin e nxënësve të klasave X, XI dhe XII, por gjithsesi mund të përdoret edhe nga mësuesit e shkollave fillore të mesme të ulëta.

A - angazhim (përsëritje)

D - detyra klase dhe detyra shtëpie 

E - ese

V - vepra e lexuar

T - test

N - nota e gjysmëvjetorit të parë dhe të dytë

P - nota përfundimtare e nxjerr nga të gjitha periudhat

Ditari për vendosjen e notave është i ndarë në tri periudha, por mësimdhënësit vlerësimin e nxënësve për periudhën e tretë mund ta bëjnë në periudhën e dytë. Periudhën e tretë nuk e kemi bërë, meqë kornizat do të zvogëloheshin shumë dhe kështu për mësimdhënësit më në moshë do të paraqiteshin probleme të natyrave të ndryshme.

(NGA: MA. MENTOR HAJRIZI, KOSOVË; Portali Shkollor)