![](http://www.portalishkollor.al/upload/media/entries/2016-04/15/654-0-0e0518650a55b777e3b215fbc4180425.jpg)
Operacionet estetike nuk ndryshojnë karakterin e njeriut!
Pyetja e adoleshentit: Nuk më pëlqen hunda ime, më komplekson. Në cilën moshë mund ta operoj?
Përgjigjen specialistët:
Legjislacioni në lidhje me këtë ndryshon sipas shteteve, por shumica e kirurgëve nuk janë pro operacioneve estetike në moshë më të vogël se 16 vjeç, pa praninë dhe pëlqimin e prindërve. Në disa klinika bëhet një test psikologjik i pacientes përpara se të kryhet operacioni.
Specialistët këmbëngulin se nuk duhet operuar një trup që është në zhvillim dhe, aq më pak, zmadhimi ose zvogëlimi i gjoksit përpara moshës 18 vjeçe, moshë në të cilën mendohet se përfundon zhvillimi hormonal.
Sipas disa sondazheve, procedura më e kërkuar nga adoleshentët është rinoplastika, (operacioni i hundës), si dhe otoplastika (kirurgjia e veshëve); më pas vazhdon liposucioni (kirurgjia e buzëve) dhe kirurgjia e gjoksit, si për ta zmadhuar ashtu edhe për ta zvogëluar.
Sipas një sondazhi të kryer me 100 kirurgë plastikë nga Akademia Amerikane e Kirurgjisë Plastike dhe e Rikonstruktimeve, 49% e tyre kishin operuar pacientë që operacioni u ishte bërë dhuratë ose në formën e shpërblimit me kalimin e klasës.
Specialistët mendojnë se asnjë kirurgji që përdoret për të shmangur ndonjë defekt fizik nuk ndryshon as jetën dhe as karakterin e njeriut. Nëse vendos, përpara se të operohesh, duhet të kesh parasysh disa gjëra:
1. Nuk është e këshillueshme të operosh hundën deri në moshën 14-15 vjeçe, kohë në të cilën përfundon zhvillimi.
2. Sigurohu që mjeku ka kualifikimin e duhur, verifikoje këtë. Mjeku duhet të jetë i specializuar në atë fushë.
3. Specialistii kualifikuar duhet të kryejë ndërhyrjen në një qendër spitalore, që të ketë mbështetjene nevojshme mjekësore si edhe mjetet e nevojshme për të bërë operacionin.
4. Kur një mjek nuk pranon të të operojë, kuptojë si diçka pozitive: një profesionist i mirë është i aftë të dallojë kur një ndërhyrje është e nevojshme dhe përmirëson pamjen tënde fizike ose kur është e nevojshme, pasi kërkesa shtyhet thjesht nga moda ose tekat e tua.
(Marrë nga libri "Seksi, 101 pyetje dhe përgjigje", botuar nga ALBAS)
Sëmundjet seksualisht të transmetueshme, shenjat
Shoqja ime e fëmijërisë po largohet nga unë...
Çfarë është cyberseksi dhe cilat janë rreziqet e tij?