Planifikimi për periudhën e tretë, gjuha shqipe VII

Klasa VII

Rezultatet e të nxënit sipas kompetencave të fushës.

TË DËGJUARIT 

Kupton, krahason dhe përmbledh mendimet e të tjerëve nga materialet e dëgjuara, shikuara ose të prezantuara, si dhe reflekton për to.  Jep mendimet dhe gjykimet e tij rreth teksteve që dëgjon.  Dëgjon me vëmendje dhe përqendrim: duke mbajtur trupin në një pozicion korrekt.  Shfaq interes, respekt dhe empati ndaj folësit me shprehje të tilla . Nxit dhe inkurajon folësin me shprehje të tilla si: kjo që po rrëfeni është shumë interesante etj.  Përcakton qëllimin e të dëgjuarit (për kënaqësi, për informacion, për kuriozitet etj.).  Kujton njohuritë paraprake që ka rreth temës ose përmbajtjes së tekstit. Parashikon rreth tekstit që do të dëgjojë. Mban shënime gjatë të dëgjuarit. Pyet ose kërkon sqarime për idetë, konceptet ose fjalët që nuk i kupton mirë. Kërkon informacion shtesë. Ritregon me detaje dhe ilustrime përmbajtjen e tekstit.

TË FOLURIT  

Zgjedh formën e përshtatshme për të përcjellë informacionin, idetë, ndjenjat dhe pikëpamjet e tij. Merr pjesë në biseda shoqërore me moshatarët dhe të rriturit mbi tema të njohura duke pyetur dhe duke iu përgjigjur pyetjeve. Identifikon materiale të ndryshme dhe i përdor për të dhënë mesazhe ose porosi nëpërmjet reklamave e lajmërimeve dhe bën prezantimin e tyre në media.  Flet duke përdorur intonacionin e duhur, theksin e saktë (e fjalëve dhe fjalive), volumin e përshtatshëm të zërit, si dhe pauzat për të bërë përshtypje te të tjerët.  Jep informacione, ide, ndjesi, emocione duke përdorur fjalorin e duhur. Përshtat të folurin në varësi të tematikës, dëgjuesit, qëllimit dhe situatës.

TË LEXUARIT 

Interpreton tekstet duke përdorur idetë e dhëna në mënyrë të drejtpërdrejtë në tekst dhe idetë e nënkuptuara. Dallon informacionin e rëndësishëm në tekst. − lidh pjesët e ndryshme të një teksti dhe i analizon ato.  Analizon në tekste të ndryshme poetike, tregimtare dhe dramatike gjuhën e figurshme. Dallon temën dhe analizon personazhet, mjedisin, kohën dhe subjektin në një tekst tregimtar dhe dramatik. Dallon mjetet shprehëse në një tekst poetik dhe tregon funksionin e tyre. Shpreh pëlqimet dhe mbron interpretimet e tij duke i ilustruar me detaje dhe pjesë nga teksti. Dallon përdorimin e gjuhës dhe terminologjisë së fushës në tekste të ndryshme.

TË SHKRUARIT  

Përdor formën ose modelin e përshtatshëm gjatë të shkruarit dhe zbaton rregullat gramatikore, leksikore dhe drejtshkrimore, për të shprehur mendimet, qëllimet, ndjenjat për tema të caktuara. Mbështet mesazhin kryesor ose kyç të një teksti me detaje përshkruese, me fakte ose shembuj të ndryshëm. Identifikon qëllimin dhe lexuesin e tij, kur shkruan njohur për bashkëmoshatarët e tyre etj.. Mbledh informacionin e duhur për të sqaruar rreth temës, çështjes, subjektit. kujton njohuritë që ka rreth temës që do të shkruajë. Përdor burime të ndryshme për të mbledhur informacion. studion modele të mira shkrimi që kanë trajtuar të njëjtën temë ose subjekt. mban shënime për çështje të ndryshme rreth punës me shkrim. Përzgjedh dhe klasifikon informacionet e mbledhura. Përdor edhe bibliotekën e shkollës ose internetin për të mbledhur informacion për punën dhe detyrat me shkrim. Zgjedh format e duhura të detyrës me shkrim në varësi të qëllimit dhe lexuesit që ka. 

PËRDORIMI I DREJTË I GJUHËS 

SINTAKSË  

Gjen dhe përdor në fjali rrethanorin e vendit dhe të kohës dhe mënyrat e shprehjes së tyre. o Gjen dhe përdor në fjali rrethanorin e shkakut e të qëllimit dhe mënyrat e shprehjes së tyre. Gjen dhe përdor në fjali rrethanorin e mënyrës e të sasisë dhe mënyrat e shprehjes së tyre. Argumenton pse një gjymtyrë është rrethanor vendi, kohe, shkaku, qëllimi, mënyre, sasie. Krahason fjalitë e thjeshta me fjalitë e përbëra. Dallon dhe ndërton fjali me bashkërenditje. Dallon dhe përdor ligjëratën e drejtë dhe ligjëratën e zhdrejtë. 

DREJTSHKRIM 

Përdor drejt pikën, presjen dhe pikëçuditjen në llojet e ndryshme të fjalive. Përdor trepikëshin, kur intonacioni i fjalisë është i pa mbaruar. Përdor saktë shenjat e pikësimit në ligjëratën e drejtë

(Erget Cenolli, Portali Shkollor)