Shkolla “Kamza e Re” uron me mirënjohje drejtorin Tonin Doçi për daljen në pension

Shkolla 9-vjeçare “Kamza e Re” ka uruar me mirënjohje drejtorin Tonin Doçi për daljen në pension. Stafi, nxënësit dhe komuniteti e falënderuan për përkushtimin dhe arritjet ndër vite, duke i uruar shëndet, qetësi dhe ditë të bukura në këtë kapitull të ri të jetës.

Me një urim të përzemërt dhe plot mirënjohje, stafi pedagogjik, nxënësit dhe komuniteti i shkollës 9-vjeçare “Kamza e Re” kanë nderuar drejtorin e tyre, z. Tonin Doçi, me rastin e daljes në pension.


Në mesazhin e bërë publik, stafi i shkollës thekson se gjatë gjithë viteve të drejtimit të tij, institucioni ka njohur arritje të larta dhe është shndërruar në një hapësirë ku mbizotërojnë vlerat, bashkëpunimi dhe respekti.


“Dëshirojmë t’ju shprehim mirënjohjen dhe falënderimin më të sinqertë për punën dhe përkushtimin tuaj ndër vite. Ju urojmë pension të mbarë, shëndet, qetësi dhe ditë të bukura në këtë kapitull të ri të jetës,” – shkruhet në urimin e stafit.


Ky moment shënon një ndarje të veçantë për shkollën, duke lënë pas një drejtues të përkushtuar dhe njëkohësisht duke hapur një faqe të re për komunitetin shkollor “Kamza e Re”.




© Portali Shkollor - Të gjitha të drejtat e rezervuara. Ndalohet kopjimi pa lejen tonë.

89 Lexime
2 orë më parë