Aktualitet

Sot provimi i tretë i Maturës Shtetërore, 30 mijë maturantë testohen në lëndën e matemaikës

Këtë të martë është provimi i tretë i Maturës Shtetërore 2023, ku mbi 30 mijë maturantë po i nënshtrohen testit të matematikës. Në provim janë të përfshira të gjithë nivelet e vështirësisë dhe për herë të parë këtë vit do të ketë një test të veçantë për nxënësit me aftësi ndryshe.

Sot po zhvillohet provimi i tretë i Maturës Shtetëtore. Rreth 30 mijë maturantë po i nënshtrohen provimit të njohurive të tyre në lëndën e matematikës.

Provimi nisi në orën 10:00 dhe pritet të zgjasë për 2 orë e 30 minuta.


Sipas rregullores së re, provimet do të zhvillohen në korridoret e shkollave apo në palestra dhe i gjithë testimi do të monitorohet me kamera.


Mjediset e provimeve duhet të jenë të mjaftueshme për të paktën 150 nxënës që duhet të vendosen në largësi jo më pak se 1.2 metra.

Në provim janë të përfshira të gjithë nivelet e vështirësisë dhe për herë të parë këtë vit do të ketë një test të veçantë për nxënësit me aftësi ndryshe. Një tjetër risi e maturës do të jetë heqja e fletëpërgjigjeve të provimeve.


Po ashtu, ndryshe nga vite me parë, kësaj radhe nëse maturanti do të ketë kontestim për notën mund të bëjë ankim dhe të bëhet rivlerësim i testit.

Pas provimit të matematikës, maturantët do t’i nënshtrohen provimit të lëndës më zgjedhje më 19 qershor. 


Ndërsa më herët, janë zhvilluar dy provimet e gjuhës së huaj dhe ai i letërsisë, ku problemi i publikimit të tezave u përsërit në të dyja rastet me nisjen e kohës së caktuar për provimin. 

Te provimi i gjuhë së huaj 1043 maturantë morën notën 4.00 këtë vit, ndërsa 384 maturantë morën notën 10.00.



Kaltra Tafani 

©Portali ShkollorTë gjitha të drejtat e rezervuara. Ndalohet kopjimi pa lejen tonë.

1,360 Lexime
1 vit më parë