Tërmeti në Marok/ Historia e trishtë e mësueses që humbi të 32 nxënësit e saj

Nesreen Abu ElFadel ishte në Marrakesh, por Adaseel, fshati malor ku ndodhej shkolla dhe shtëpitë e nxënësve të saj, ishte më afër epiqendrës.

Mësuesja e gjuhës arabe dhe frënge u kthye në Adaseel ku shkoi të kërkonte fëmijët.

Ajo zbuloi se të 32-të nga 6 deri në 12 vjeç kishin humbur jetën.

“Shkova në fshat dhe fillova të pyesja për fëmijët e mi: “Ku është Somaya? Ku është Youssef? Ku është kjo vajzë? Ku është ai djalë?”. Përgjigja erdhi disa orë më vonë: ‘Ata kanë vdekur të gjithë’.

“Imagjinova të mbaja fletën e frekuentimit të klasës sime dhe të vendosja një rresht midis emrit të një studenti pas tjetrit, derisa të kisha gërvishtur 32 emra, ata tani kanë vdekur të gjithë”, tha ajo për BBC.

Ata ishin në mesin e pothuajse 3,000 njerëzve të vrarë nga tërmeti më i fortë i regjistruar ndonjëherë në Marok, i cili goditi mbrëmjen e 8 Shtatorit.

Zonat më të goditura ishin ato në jug të Marrakeshit, ku shumë fshatra malorë u shkatërruan plotësisht. Adaseel ishte një nga ato vende.

Mësuesja e gjuhës i përshkroi studentët e saj si “engjëj” dhe fëmijë të respektueshëm që ishin të etur për të mësuar. Pavarësisht se po luftonin me varfërinë dhe një krizë dërrmuese të kostos së jetesës, fëmijët dhe familjet e tyre menduan të shkonin në shkollë si “gjëja më e rëndësishme në botë”.

Qeveria marokene ka ndërprerë përkohësisht mësimet në zonat më të goditura.

© Portali Shkollor- Të gjitha të drejtat e rezervuara. Ndalohet kopjimi pa lejen tonë.