TIK X, puna me simbolet dhe efektet

TEKNOLOGJI INFORMACIONI, KLASA X

TEMA MËSIMORE: PUNA ME SIMBOLET DHE EFEKTET

Rezultate të të nxënit të kompetencave lëndore sipas temës mësimore :

-Njeh hapat e krijimit të simboleve në Flash.

-Krijon efekte speciale ose animacioneve me anë të simboleve. 

-Modifikon animacione duke menaxhuar simbolet e krijuara dhe efektet special.

SIMBOLET janë të rëndësishme për: 

• krijimin e efekteve speciale 
• krijimin e animacioneve 
• krijimin e ndërveprimtarisë të efekteve speciale me animacionet 

SIMBOLET janë tri llojesh: 

1. Grafike 
2. Butona 
3. Videoklipe

Këto simbole kanë secili funksione të veçanta.

SIMBOLET: 

• krijojnë mundësi për pakësimin e madhësisë së File-ve.
• krijojnë shkurtimin e kohës së shkarkimit për shumë animacione.
• mund të ripërdoren pafundësisht, pavarësisht se flash-i i përfshin të dhënat e tyre vetëm njëherë. 

SIMBOLET rezervohen në panelin e bibliotekës.

N.q.s tërheqim një simbol, Flash-i krijon në skenë një shëmbëllim të simbolit, duke e lënë origjinalin në bibliotekë. 

Shëmbëllimi është një kopje e simbolit që vendoset në skenë. 

Si krijohen simbolet?

Në Flash simbolet krijohen në dy mënyra: 

1.Insert à New Symbol

Flash-i krijon mënyrën e simbolit të editimit dhe krijon mundësi që të vizatohen grafika ose të importohen grafika të gatshme.

2. Modify à Convert ti Symbol 

 E klikojmë pas përzgjedhjes së grafikës ekzistuese në skenë. Çdo gjë që është përzgjedhur, do të shndërrohet automatikisht në simbol. 

Menaxhimi i simboleve 

Simbolet editohen në dy mënyra: 

1. Tek simboli në panelin e bibliotekës double click dhe editojmë përmbajtjen e tij në trajtën simbol.
2. Te shëmbëllimi në skenë double click dhe editojmë simbolin në vend.
3. 
   

Ndryshimi i pamjes së shembëllimeve 

• Free Transform
• Color effects ne Properties Inspector
• Filters, etj .

Efektet e zbehjes 

• Efektet janë për të zbutur kalimin e slide-ve ose të skenave që ia lënë vendin njëra-tjetrës duke u zbehur shkallë-shkallë.Hapat që ndiqen për krijimin e një efekti të tillë: 
• Krijohet një dokument i ri Flash
• Zgjidhet Type dhe krijohet një figure
• Modify à Convert to Symbol, shndërrohet figura e zgjedhur në simbol.
• Ky tip shtohet në bibliotekë si simbol dhe është i gatshëm për Tweening. 
• Color effects zgjidhet nga lista e stileve Alpha
• Vendose alpha e shëmbëllimit të simbolit në 0 %, simboli tërësisht i tejdukshëm dhe duket sikur zhduket po në fakt është atje.
• Në Properties zgjedhim Alpha vendosim 100 %, enter dhe shohim efektin e zbehjes. 

Më poshtë po paraqesim disa nga punimet e kryera gjatë kësaj ore mësimi nga nxënësit.

FALEMINDERIT PËR VËMENDJEN!

Punoi : 

Elektisa Bardhi 

(Portali Shkollor)