“Babagjyshit, Poli i Veriut, Kutia Postare 47”
Të gjithë fëmijët e ciklit arsimor 9-vjeçar mund të shkruajnë një letër për “babagjyshin sekret” dhe ta dërgojnë atë në adresën “Babagjyshit, Poli i Veriut, Kutia Postare 47”. Gëzuar festat!
Gjithçka nisi një vit më parë. Në vigjilje të festave të fundvitit, mori udhë nisma “Babagjyshi Sekret”, një platformë online që u dha mundësinë fëmijëve të dërgonin letrat me dëshirat për babagjyshin e tyre.
Dëshira e mirë e shprehur përmes një letre të shkruar nga vet fëmija me shkrim dore do të prekë zemrën e babagjyshit sekret. Pranë çdo filiali të Postës Shqiptare, apo pranë çdo kutie postare të dedikuar të Babagjyshit Sekret, mund të postohen letrat e vogëlushëve. Fëmijë të ndryshëm të ciklit 9-vjeçar, nga e gjithë Shqipëria kanë mundësinë të shkruajnë me shkrim dore, një letër me kërkesë për dhuratë drejtuar “Babagjyshit, Poli i Veriut, Kutia Postare 47”.
Pasi fëmijët të kenë postuar letrat e tyre, ato do të grumbullohen dhe do të dërgohen në pikën qendrore të grumbullimit në “Polin e Veriut”. Këto letra, organizohen sipas datave, skanohen dhe hidhen online në platformë.
Prej andej me afishimin e tyre, gjithkush do të jetë në gjendje të njihet me dëshirat e shumë vogëlushëve dhe të përzgjedhë se për kë apo për cilët prej tyre, do të bëhet babagjysh sekret i këtij fundviti.
Gëzuar festat!
(Portali Shkollor)
Lojërat më të bukura të viteve ’90 që mund t’ua tregoni nxënësve apo fëmijëve tuaj
“Klubi i fëmijëve”, revista e parë online falas për të vegjlit tanë
Rregullat për të luajtur lojën me letra “UNO”