Poezi

“E bardha që vret”, poezi sensibilizuese kundër përdorimit të drogës nga mësuesi Selim Tahiri

Përdorimin e drogës nga një adoleshent duhet ta shohim jo vetëm si një moment ligështie të tij, por më shumë si një thirrje për ndihmë. Ndaj lidhur me këtë temë mësuesi Selim Tahiri, i cili ka pasion të shkruaj, sjellë poezinë e mëposhtme.

E bardha që vret


Ajo është e bardhë

Por mendjen ta turbullon

Ajo është e bardhë

Por shikimin ta errëson

Ajo është e bardhë

Por zemrën ta helmon

Ajo është e bardhë

Por jetën ta nxinë, ta shkatërron.

Probleme nuk zgjidh

Probleme shton.

Kur ke ndonjë moment të vështirë

Mos hezito

Fol me mamin, babin, vëllaun, motrën

Lexo një tregim, një poezi

Thirr shokun/shoqen me të mirë.

Kujtoni momente të bukura

Flisni dhe për dashuri.

Ndihesh i vetmuar?

Dil, tërë ditën shëtit

Shiko barin, lulet, gjethet

Dielli dhe ajri i pastër, 

Gurgullima e ujit dhe kënga e zogjve 

Mendjen ta kthjellojnë

Të bëjnë të buzëqeshësh

Shpirtin ta qetësojnë.

Mendon se askush s’të do?

Se je i pavlerë?

Hahahaah!

Të lutem mos e tepro!

Lulet e kopshtit janë të ndryshme

Por të gjitha janë të bukura 

Të gjitha kanë erë.

Shikohu në pasqyrë

Sa i/e bukur je

Si të shkëlqejnë sytë

Si qielli pa re.

Dhe një këshillë;

Shiko atë që këtë "bardhësi" e ka provuar!

E sheh si ecë, si flet, si sillet?

Ku jeton? Si jeton?

Shikoje në ç'gjendje ka përfunduar!

Nga: Selim Tahiri, mësimdhënës në SHMP “Abdyl Ramaj”, Shirokë

©Portali Shkollor– Të gjitha të drejtat e rezervuara. Ndalohet kopjimi pa lejen tonë.  

1,109 Lexime
1 vit më parë