Vendimi i Jobs

Steve Jobs nuk i lejonte fëmijët e tij të përdornin iPad

Edhe pse kaloi gjithë jetën e tij duke krijuar një prej perandorive teknologjike më të mëdha në botë, Steve Jobs i ndalonte kategorisht fëmijët e tij që të përdornin këto pajisje teknologjike.

Steve Jobs arriti të bëhej njeriu më i pasur në botë dhe më i përfolur falë pajisjeve si iPod, iPad dhe iPhone. Edhe pse kaloi gjithë jetën e tij duke krijuar një prej perandorive teknologjike më të mëdha në botë, Steve Jobs i ndalonte kategorisht fëmijët e tij që të përdornin këto pajisje teknologjike.


Duke shkruar për New York Times në vitin 2014, Nick Bilton kujtoi një bisedë që ai kishte pasur me shefin e atëhershëm të Apple-it (i cili ka lindur me 24 shkurt) pas prezantimit të iPad-it të parë. Duke e pyetur se a e pëlqyen fëmijët e tij pajisjen e re, Jobs kishte thënë: “Ata nuk e kanë përdorur këtë pajisje. Ne ua kemi kufizuar kohën që ata e kalojnë në përdorimin e teknologjisë në shtëpi”.


Jobs mund ta ketë bërë këtë pasi i druhej rrezikut të ekspozimit ndaj materialeve pornografike, bullizmit dhe më keq akoma, varësisë ndaj këtyre pajisjeve. Në vend të kësaj, Bilton kujton se Steve Jobs i kishte thënë se çdo mbrëmje ai darkonte me fëmijët e tij në një tavolinë të madhe, duke diskutuar për librat dhe historinë.


(Portali Shkollor)

1,940 Lexime
5 vjet më parë