Kujdesi për dhëmbët

Çfarë janë silantet dhe a mund të përdoren te fëmijët?

Silantet janë një material me bazë rezine me ngjyrë të çelët, që vendoset në sipërfaqen përtypëse të dhëmbëve për të parandaluar prishjen e tyre dhe krijimin e kariesit. Po te dhëmbët e fëmijëve a mund të të vendoset ky material? Për këtë lexoni këshillat e mëposhtme nga Dr.Eldona Sipri.

Silantet janë një material me bazë rezine me ngjyrë të çelët, që vendoset në sipërfaqen përtypëse të dhëmbëve (kryesisht paradhëmballëve dhe dhëmballëve ) për të parandaluar prishjen e tyre dhe krijimin e kariesit në fisurite. 


Fisurat ose thellimet në sipërfaqen përtypëse të dhëmbëve posteriore janë një vend i përshtatshëm për grumbullimin e mbetjeve të ushqimeve dhe baktereve, të cilat çojnë në prishjen e dhëmbëve apo në sëmundjen që quhet karies.


Silantet krijojnë një mbrojtje të smaltit në këto zona.


Kush duhet t'i vendosë silantet?


Duke qenë se tek fëmijët dhe adoleshentët, niveli i kariesit është më i lartë dhe thellimet në sipërfaqen e dhëmbëve janë më të shprehura, menjëherë pas daljes së dhëmbëve të përhershëm te fëmijët nga 6-14 vjeç është e rëndësishme vendosja e silanteve.

Silantet mund të përdoren edhe tek dhembët e qumështit kur shikohet e nevojshme.

Nga Dr.Eldona Sipri

© Portali Shkollor- Të gjitha të drejtat e rezervuara. Ndalohet kopjimi pa lejen tonë.

1,280 Lexime
1 vit më parë