Disa aktivitete që mësuesit mund të realizojnë me nxënësit në ditët e fundit të shkollës

Bingo fundviti

Në këtë aktivitet janë të listuara disa pyetje ku secila nga to kërkon një përgjigje. Fëmijët do të gjejnë një shok/shoqe klase që përputhet me çdo përshkrim dhe do të shkruajnë emrin e tij/saj në kuti. Personi i parë që plotëson 5 përgjigje me radhë fiton.

Përmbledhja e vitit tim

Përmbledhja e Vitit tim është një lojë reflektimi që ndihmon nxënësit të mendohen mbi përvojat dhe arritjet e tyre gjatë vitit shkollor. Mësuesit mund të shkruajnë disa pyetje në letër dhe nxënësit të përgjigjen në to.

Disa nga pyetjet mund të jenë:

Cili ishte momenti yt më i lumtur gjatë këtij viti?

Cila ishte arritja jote më e madhe?

Cili ishte mësimi më i rëndësishëm që mësove?

Kush ishte miku yt më i mirë dhe pse?

Kjo lojë jo vetëm që u jep nxënësve mundësinë të shprehin mendimet dhe ndjenjat e tyre për vitin që po përfundon, por edhe i ndihmon ata të ndërgjegjësohen për rritjen e tyre personale dhe arritjet gjatë vitit shkollor.

Kujtimet e mia të klasës __

Kjo lojë është një mënyrë e shkëlqyer për të ndihmuar nxënësit të reflektojnë mbi përvojat e tyre gjatë vitit shkollor dhe për të ndarë momente të veçanta që kanë pasur. 

Përgatitni një listë pyetjesh për shembull:

"Nuk do të harroj..."

"Momenti më i lumtur për mua ishte..."

"Diçka që më kujtoi vlerat e mia ishte..."

"Miku im më i mirë këtë vit ishte..."

Shtoni pika vazhdimi në fund të secilës pyetje për të inkurajuar nxënësit të shkruajnë përgjigje të gjata dhe të detajuara.

Këto fillime fjalish janë një mënyrë e shkëlqyer që studentët të kujtojnë momentet kryesore të vitit.

"Libri im mini-vjetor" 

Ky aktivitet është një mënyrë e mahnitshme për të festuar fundin e vitit shkollor duke krijuar një kujtim të paharrueshëm. Për të luajtur, shpërndani një fletë të vogël të dizajnuar si një faqe e mini-vjetorit tek shtatë miqtë tuaj dhe ju lutni ata të vizatojnë dhe të shkruajnë diçka në të. Pas kësaj, mbledhni fletët e punës dhe bashkoni ato për të krijuar librin tuaj të vogël të vjetorit. 

Loja "Dita e fundit të shkollës"

 Kjo është një lojë mjaftë argëtuese për të festuar fundin e vitit shkollor. Çdo lojtar fillon një histori me një frazë fillestare, si "Ishte dita e fundit të shkollës", dhe pastaj kthen fletët për të vazhduar historitë e njëri-tjetrit duke përdorur fjalët që partneri tjetër ka zgjedhur. Kjo lojë sjell momente të paharrueshme dhe përjetohet me gëzim për të festuar fundin e vitit shkollor bashkë me miqtë.

"Intervista e përfundimit të vitit"

Kjo lojë ofron një mundësi të shkëlqyer për mësuesit për të marrë komente dhe feedback nga nxënësit e tyre për eksperiencën e tyre të mësimit. Kjo përfshin pyetje të ndryshme si: "Cila ka qenë pjesa më e mirë e këtij viti shkollor?" "Çka kishit ndryshuar?" dhe "Çka është diçka që keni mësuar në shkollë dhe do të ju hyjë në punë vitin e ardhshëm?"

Nxënësit japin përgjigje të sinqerta dhe të detajuara që ndihmojnë në përmirësimin e përvojës së mësimit dhe në përgatitjen për vitin e ardhshëm. 

Burimi: Kliko këtu

Përgatiti: Arlinda Hajdaraj, gazetare përgjegjëse e Portalit Shkollor Albas për Kosovën. 
©Portali Shkollor- Të gjitha të drejtat e rezervuara. Ndalohet kopjimi pa lejen tonë.