Fletë pune në mbështetje të zhvillimit të aftësive të nxënësve me nevoja të veçanta nga Xhensila Kokoshi

Portali Shkollor ka kënaqësinë t’ju ofrojë një set të pasur fletësh pune të përgatitura nga mësuesja me përvojë të gjatë në mësimdhënien e arsimit special, Xhensila Kokoshi. Këto materiale janë falas dhe janë krijuar për të mbështetur punën e mësuesve ndihmës, prindërve dhe mësuesve të tjerë, duke u ofruar materiale mbështetëse praktike për të punuar me nxënësit me nevoja të ndryshme.

Në mungesë të një kurrikule apo programesh të posaçme për nxënësit me aftësi të kufizuara, fletët e punës vijnë si një mjet praktik dhe gjithëpërfshirës për:

• Përforcimin e njohurive dhe aftësive të nxënësve në mënyrë tërheqëse dhe kreative.

• Përshtatjen e detyrave sipas nevojave individuale dhe nivelit të nxënësit.

• Zhvillimin e kompetencave pedagogjike, njohëse, psikologjike dhe estetike në procesin e të nxënit.

Fletët e punës mbulojnë fusha të ndryshme të të nxënit dhe zhvillimit: nga aftësitë gjuhësore dhe të folurit, konceptet matematikore dhe njohja e numrave, vlerësimi i emocioneve dhe situatave, njohja e mjedisit dhe e objekteve përreth, deri tek aktivitetet krijuese dhe vizuale që stimulojnë kreativitetin dhe mendimin logjik. Çdo fletë është e dizajnuar për të qenë e thjeshtë, e kuptueshme dhe e ilustruar, duke e bërë mësimin një eksperiencë gjithëpërfshirëse dhe argëtuese për nxënësit.

Të gjithë materialet mund të aksesohen dhe shkarkohen nga Drive në këtë link: https://drive.google.com/drive/folders/1XVhIyRGGlunYkKAOkA2KIX_v749krRRF 

Këto fletë pune janë një ndihmë e vyer për të krijuar veprimtari gjithëpërfshirëse, të personalizuara dhe kreative, duke mbështetur mësimdhënien dhe mësimnxënien gjithëpërfshirëse.

© Portali Shkollor- Të gjitha të drejtat e rezervuara. Ndalohet kopjimi pa lejen tonë.