Gjimnazi, numri i nxënësve dhe norma e mësuesit

Arsimi mesëm i lartë, gjimnaz

Numri i nxënësve për klasë

1. Klasat në zonat urbane të formohen me jo më pak se 25 nxënës dhe në zonat rurale me jo më pak se 15 nxënës.

2. Ndarja e klasave paralele të bëhet sipas këtij rregulli:

a) Dy klasa paralele, kur numri i nxënësve është 36-70 nxënës.

b) Tri klasa paralele, kur numri i nxënësve është 71-105 nxënës.

c) Katër klasa paralele, kur numri i nxënësve është 106-140 nxënës.

d) Pesë klasa paralele, kur numri i nxënësve është 141-175 nxënës.

e) Ndarja e nxënësve në më shumë se pesë klasa paralele vazhdon sipas rregullit të përcaktuar në pikën 2.

Numri i drejtuesve

1. Kur numri i nxënësve është 251-500, emërohet një nëndrejtor shkolle.

2. Kur numri i nxënësve është 501-900, emërohen dy nëndrejtorë shkolle.

3. Kur numri i nxënësve është mbi 900, emërohen tre nëndrejtorë shkolle.

Norma mësimore javore e mësuesve dhe drejtuesve

1. Mësuesi i gjuhës shqipe dhe i letërsisë: 18 orë në javë.

2. Mësuesi i gjuhës së huaj, i matematikës, i fizikës, i biologjisë, i kimisë, i informatikës, i historisë, i gjeografisë, i teknologjisë, i shkencave shoqërore (filozofi, psikologji, qytetari, sociologji), i ekonomisë: 20 orë në javë.

3. Mësuesi i lëndëve të tjera: 22 orë në javë.

4. Drejtori i shkollës me 81- 300 nxënës: 8 orë në javë.

5. Drejtori i shkollës me 301- 600 nxënës: 6 orë në javë.

6. Drejtori i shkollës me 601 - 900 nxënës: 4 orë në javë.

7. Drejtori i shkollës me mbi 900 nxënës: nuk jep mësim.

8. Nëndrejtori i shkollës: 8 orë në javë.

Drejtori dhe nëndrejtorët e shkollës e plotësojnë normën e tyre mësimore javore vetëm me orë të profilit të diplomës që zotërojnë.

Nëndrejtori/nëndrejtorët e shkollës ngarkohen për amzën dhe inventarin e shkollës kur shkolla nuk ka sekretar.

Norma e vlerësimit të arritjeve

1. Drejtori i shkollës me 81-900 nxënës: 4 orë në javë (3 orë për vlerësim të cilësisë së procesit mësimor dhe 1 orë për dokumentacionin shkollor).

2. Drejtori i shkollës me mbi 900 nxënës: 3 orë në javë (2 orë për vlerësim të cilësisë se procesit mësimor dhe 1 orë për dokumentacionin shkollor).

3. Nëndrejtori i shkollës: 4 orë në javë (3 orë për vlerësim të cilësisë së procesit mësimor dhe 1 orë për dokumentacionin shkollor).

4. Nëndrejtori i shkollës me mbi 900 nxënës: 3 orë në javë (2 orë për vlerësim të cilësisë së procesit mësimor dhe 1 orë për dokumentacionin shkollor).

(Portali Shkollor)