Me 17 qershor maturantët testohen në matematikë
Provimi është i një niveli mesatar dhe përmban 25 pyetje. Në provimet e kaluara ka pasur raste kur nxënësit kanë tentuar që të kopjojnë me telefona, duke i fshehur ato në pjesë të trupit dhe janë ndëshkuar nga administratorët.
Ditën e nesërme, 17 qershor, do të zhvillohet provimi i Matematikës, provimi i tretë i Maturës Shtetërore 2016, i cili mbyll ciklin e provimeve detyruese. Provimi do të zhvillohet në 201 qendra në të gjithë vendin dhe do të marrin pjesë 42.400 maturantë të shkollave të mesme, për të gjitha profilet.
Zëvendësministrja e arsimit Nora Malaj deklaroi një ditë përpara provimit se zhurmuesit do të funksionojnë dhe kërkoi bashkëpunimin e Operatorit të Shpërndarjes së Energjisë Elektrike në mënyrë që të gjitha shkollat të furnizohen me energji.
Provimi është i një niveli mesatar dhe përmban 25 pyetje. Në provimet e kaluara ka pasur raste kur nxënësit kanë tentuar që të kopjojnë me telefona, duke i fshehur ato në pjesë të trupit dhe janë ndëshkuar nga administratorët. Malaj u bëri thirrje maturantëve të tregohen të kujdesshëm dhe të mos tentojnë të kopjojnë pasi do të penalizohen.
Në dy provimet e shkuara, 7 nxënës u përjashtuan nga procesi, 3 me identitet të rremë, 2 për etikë komunikimi në shkollat profesionale dhe 5 u gjetën me celularë në 2 provime dhe 1 rast kishte probleme me sekretimin.
Zëvendësministrja e arsimit kërkoi ndihmën e OSHEE që të mos ketë shkëputje të energjisë elektrike në shkolla dhe që nesër zhurmuesit e valëve të funksionojnë.
· Provimi do të fillojë në orën 10:00 dhe do të zgjasë 2 orë e 30 minuta.
· Maturanti paraqitet në qendrën e provimit 1 ore e 30 minuta përpara fillimit të provimit.
· Maturanti duhet të ketë me vete, vetëm dokumentin e identifikimit dhe stilolaps.
· Maturanti plotëson testin vetëm me stilolaps me ngjyrë të zezë ose blu dhe në pyetjet me alternativa rrethon vetëm alternativën e saktë.
· Maturanti përjashtohet automatikisht nga provimi nëse mban me vete celular apo çdo mjet tjetër komunikimi në mjediset e provimit.
· Maturanti nuk duhet të dëmtojë kodin e sekretimit të testit, apo të vendosë mbi të shenja të dallueshme dhe të veçanta.
· Maturantëve me aftësi të kufizuara do t’ju krijohen kushtet e përshtatshme për zhvillimin e provimit.
· Maturantët që dorëzojnë testin përpara kohës së mbarimit të provimit, nuk largohen nga qendra e provimit.
· Maturanti nuk mund të:
a) ndryshojë vendin e caktuar;
b) komunikojë apo të japë informacion me maturantët e tjerë;
c) refuzojë kontrollin nga ana e administratorëve
Si të ndihmoni fëmijët tuaj të shmangin ankthin nga shkolla
Vizatimi në kontekstin shkollor, çfarë duhet pasur parasysh, nga Lorela Garuli
Bullizmi kibernetik, pyetjet që mund t’ia drejtoni fëmijës tuaj nëse ju vëreni ndryshime në sjellje