Orë model, gjuha shqipe II

Janar 2018

Fusha: gjuhët dhe komunikimi

Lënda: gjuhë shqipe

Shkalla: I

Klasa: II

Mësuese: Suada Vokshi

Temat mësimore:

Ku e gjejmë ujin? (2 orë mësimore)

Rezultatet e të nxënit:

- Lexon vjershën duke respektuar shenjat e pikësimit.

- Tregon ndërtimin e vjershës.

- Përshkruan ku e gjejmë ujin në natyrë dhe në jetën e përditshme.

- Analizon strofat e vjershës.

Situata e të nxënit:

1- Ujitja e një bime

2- Pirja e një gote me ujë

Fjalët kyçe: Ujë, bimë, njeri, 70 për qind, poezi, strofa, vargje.

Burimet materiale: Vazo me lule, shishe me ujë, gotë, teksti i nxënësit, fletorja e klasës, Metodologjia: Stuhi mendimesh, ditari dypjesësh, pesëvargësh.

Lidhja me fushat e tjera: Arte (Art pamor ), shkencat e natyrës, matematika.

Zhvillimi i orës mësimore:

Situata e të nxënit

Vendos mbi tavolinë një vazo me lule. Mbush një gotë me ujë dhe i kërkoj një nxënësi të ujit lulen.

Pyes nxënësit:

Çfarë po bëjmë ? Pse po veprojmë kështu ? Pse???

Mbush një gotë me ujë dhe e pi.

Çfarë bëra unë? Pse veprova kështu? Pse???

U tregoj nxënësve për sasinë e ujit që ndodhet në trupin tonë. Ua demonstroj me vizatim.

Stuhi mendimesh

Ku e gjejmë ujin?

• Edhe poezia që do të mësojmë sot na drejton një pyetje: Ku e gjejmë ujin?

• U kërkohet nxënësve të lexojnë 5 minuta në heshtje poezinë dhe të nënvizojnë fjalët që nuk kuptojnë. (bëhet shpjegimi i fjalëve të vështira)

• Lexohet poezia (në fillim mësuesja, pastaj nga nxënës të ndryshëm)

• Pyes nxënësit:

- Si titullohet vjersha? - Sa strofa ka vjersha ? - Si janë të ndërtuara strofat ?

*Strofa*	*Komenti*
Uji nuk ka shije dhe nuk ka sa erë, uji nuk ka ngjyrë, por ka shumë . . . vlerë.	Uji nuk ka shije, erë dhe as ngjyrë por ai ka shumë vlerë.
Ku nuk e gjen ujin, n’ujëvarë, në lumë, në pus e përrua, n’ det, valë e shkumë.
Si male të ngrira, në pole e gjen, e gjen në burime, në shi e liqen.
Edhe në fytyrë, herët në mëngjes, kur lan të dy faqet, dhe të hyn në... vesh
E gjen dhe në trup, qysh ditën kur lind, ujë ka trupi yt, shtatëdhjetë për qind !

Pas analizës së çdo strofe bëhet komenti i saj duke e shkruar në tabelën e modeluar.

• Plotësohet ushtrimi në tekst mbi përdorimin dhe rëndësinë e ujit.

Pesëvargësh

U shpërndaj nxënësve nga një fletë dhe u kërkoj që të bëjnë një pesëvargësh për UJIN

UJI

_____________________ ______________________

_____________________ _______________________ ____________________

________________________________________________________________________

_______________________

Lexohen punimet e nxënësve. Vlerësohen punimet më të bukura.

Kohën e mbetur i kërkoj nxënësve që të përpiqen ta mësojnë vjershën përmendësh.

Detyrë shtëpie

Mëso vjershën përmendsh.

Vlerësimi i nxënësve

Vlerësohen nxënësit me fjalë dhe shprehje vlerësuese për

- mënyrën e të shprehurit / Leximin e vjershës duke respektuar shenjat e pikësimit.

- përshkrimin e ndërtimit të vjershës / Përshkrimin e rëndësisë të ujit në natyrë dhe në jetën e përditshme. /Analizën e vjershës / Krijimin e pesëvargëshit.

(Portali Shkollor)