Plani mësimor, kimi VIII

Plani Mësimor 

Lënda: KIMI VIII

Periudha janar-mars 2018 (tremujori i dytë)

Mësuese: Eglantina Lufta

Shkolla e mesme Pedagogjike “Luigj Gurakuqi”, Elbasan

Shpërndarja e orëve për periudhën JANAR-MARS 2018

Rezultatet e të nxënit sipas kompetencave të fushës:

Kompetenca I: Identifikimi i problemeve dhe zgjidhja e tyre. Nxënësi: 

a) zgjedh hetimin ose skicon strategjinë, konsideron strategji të ndryshme, argumenton zgjedhjet e bëra, planifikon procedurën.

b) analizon, kontrollon rezultatet,formulon probleme të reja ose sugjeron mënyrat e përmirësimit të zgjidhjes, nxjerr rezultatet.

Kompetenca II: Përdorimi i mjeteve, objekteve dhe procedurave shkencore. Nxënësi:

a) kupton dukuritë natyrore: pyet veten rreth mjedisit të tij/saj,shqyrton dukuri të veçanta, përshkruan karakteristikat e tyre.

b) ilustron ato me diagrame skematike,shpjegon dukuritë duke përdorur ligjet ose modelet.

Kompetenca III: Komunikimi në gjuhën dhe terminologjinë e shkencës... Nxënësi:

a) Nxënësi përhap dhe zhvillon njohuritë ose rezultatet shkencore: merr parasysh përbërjen e audiencës, përdor mënyra të ndryshme për prezantimin e informacionit (p.sh., simbolet, tabelat, vizatimet teknike),përshtat mesazhin sipas tipit të medies që përdor (p.sh. prezantim me gojë ose me shkrim etj.). 

REZULTATET E TË NXËNIT SIPAS KOMPETENCAVE KYÇE:

Kompetenca e komunikimit dhe të shprehurit. Nxënësi: transmeton saktë të dhënat e mbledhura për një temë konkrete në formë tekstuale, numerike, verbale, elektronike apo në ndonjë formë tjetër të të shprehurit; përshkruan me gojë dhe me shkrim një ngjarje të lexuar ose të dëgjuar duke ruajtur rrjedhën logjike të saj;  

Kompetenca e të menduarit. Nxënësi: paraqet në forma të ndyshme argumente për të përforcuar mendimin apo qëndrimin e vet për një problem; 

përzgjedh dhe klasifikon informacionin nga burime të ndryshme në bazë të një kriteri të caktuar për një temë konkrete.

Kompetenca e të nxënit. Nxënësi: parashtron pyetje për çështje të ndryshme dhe organizon mendimet për të gjetur përgjigje për temën apo problemin e caktuar duke evidentuar përparimin/vështirësitë deri në zgjidhjen përfundimtare;  

Kompetenca për jetën, sipërmarrjen dhe mjedisin. Nxënësi: përdor programet kompjuterike për përpunimin e të dhënave dhe paraqitjen e vizatimeve/diagrameve të nevojshme për përgatitjen e materialeve individuale apo/dhe publikimeve të ndryshme të shkollës;  përdor materiale, burime të ndryshme informimi dhe teknologjinë në shkollë dhe në jetën e përditshme si ndihmë për përparimin në mësime dhe për orientim në karrierë; 

Kompetenca personale. Nxënësi: dallon sjelljen korrekte nga ajo jo korrekte gjatë punës në grup ose në situata emocionale dhe propozon masat për parandalimin/tejkalimin e tyre

Kompetenca qytetare. Nxënësi: solidarizohet me personat në nevojë ose të rrezikuar, duke ndërmarrë veprime konkrete për afrimin e ndihmës sipas nevojës që kanë; identifikon paragjykimet apo dukuritë jo të mira në klasë,shkollë,komunitet,mban qëndrim ndaj tyre duke propozuar veprime konkrete parandalimi.

Kompetenca digjitale. Nxënësi: përdor TIK-un për të lehtësuar procesin e të nxënit dhe për të rritur efektivitetin në mësimnxënie; përdor mjetet multimediale për të bashkëpunuar me persona të tjerë dhe për të rritur produktivitetin e tij dhe të nxënit efektiv; 

(Portali Shkollor)