Kujdesi prindëror

Pse fëmijët pasi grinden me njëri-tjetrin pajtohen shpejt?

Pse fëmijët pasi grinden me njëri-tjetrin pajtohen shpejt? Përgjigjja është e thjeshtë ashtu si dhe sjellja e tyre, sepse lumturia e tyre është më e shtrenjtë sesa krenaria.

Ç’ bëjnë  prindërit kur fëmijët grinden dhe çfarë shkaktojnë ata tek fëmijët?


Shumë  prindër  të parën mendojnë dënimin pa menduar efektet pozitive apo negative të saj.

  • Dënimi lëndon fëmijën si fizikisht ashtu dhe mentalisht.
  • Mohon të drejtën e tij të jetë i kuptuar si person.
  • Me dënimin ndryshohet vetëm momentalisht modeli i sjelljes së fëmijës.
  • Dënimi bazohet në frikë.
  • Fëmija studion modelin e “agresorit” dhe më pas e imiton atë.
  • Dënimi zakonisht përmban vetëm një mesazh se çfarë fëmija nuk duhet të bëjë në këtë moment  dhe nuk ofron alternativa dhe shpjegime për sjelljet e tij më pas.
  • Mund të çojë deri në pasoja serioze, negative mbi shëndetin e fëmijës.


Por prindërit duhet të kujdesen më tepër për situata të tilla. Fëmijët vërtetë grinden, por kanë guxim edhe të pajtohen shumë shpejt .


Nuk duhet të harrojmë që fëmijët nuk qëndrojnë me ata persona që janë të pasur ose të bukur, por luajnë grinden dhe pajtohen vetëm me ata që i bëjnë të lumtur.


Nga Blerina Hima Mertiri

Shkolla 9-vjecare, “Andon Xoxa”, Fier



Publikim N.Allkja Biçaku 

©Portali ShkollorTë gjitha të drejtat e rezervuara. Ndalohet kopjimi pa lejen tonë.

598 Lexime
9 muaj më parë