Punimi i shkronjës J, abetare

Fusha: Gjuhët dhe komunikimi

Lënda: Abetare

Klasa: I

Shkalla: I

Mësuesi: Shkelzim Pepaj

Tema mësimore:

Punimi i shkronjës J, j faqe. 60 abetare
Punim e lexim i shkronjës J, j faqe 61 të Abetares

Situata e të nxënit: Përralla e Kësulëkuqes

Rezultatet e të nxënit të kompetencave të fushës sipas temës mësimore:

Nxënësi/ja:

Shqipton saktë tingullin J;
Gjen fjalë me shkronjën J;
Evidenton vendndodhjen e shkronjës J në fjalët e dhëna;
Formon fjalë me rrokjet e dhëna;
Krijon fjali me fjalët e dhëna;
Liston veprimet e personazheve sipas pamjeve të dhëna;
Lexon dhe kupton veprimet e personazheve;
Përgjigjet saktë rreth pyetjeve të tekstit;
Plotëson fjalitë me fjalët që mungojnë për ti dhënë kuptim fjalisë;
Evidenton fjalët e shkruara gabim dhe i korrigjon ato;
Ritregon përrallën e Kësulëkuqes duke u mbështetur në pamjet e dhëna;
Krijon këshilla ndaj sjelljeve të personazheve.

Fjalët kyçe: kësulëkuqja, ujku, gjyshja, rojtari, pjeshka, majmuni, janari

Burimet: Materiali filmik( përralla e kësulëkuqes), laptop, teksti i nxënësit, etiketa fjalësh ( ujku, jaka, jeleku pjeshka, majmuni ) fisha me fjali.

Lidhja me fushat e tjera ose me temat ndërkurrikulare: Artet ( Muzikë dhe Art pamor ) , shoqëria dhe mjedisi

Metodologjia dhe veprimtaritë e nxënësve

Metodat: Pema e mendjes, stuhi mendimesh, analiza e personazhit

Organizimi i mësimit

Situata e të nxënit: Shfaq para nxënësve filmimin e përgatitur dhe u kërkoj nxënësve që ta ndjekin atë me vëmendje. Pyes nxënësit nëse u pëlqeu përralla ? Si titullohet ajo?

Pema e mendjes: Shkruaj në tabelë fjalën KËSULËKUQJA dhe shtroj pyetjet:

Cili është personazhi më i frikshëm i përrallës?

UJKU = UJ + KU

U+ J + K+ U

U prezantoj nxënësve shkronjën J ( J, j )

Drejtshqiptohet tingulli J

Modeloj shkronjën J dhe j të shtypit në tabelë

Stuhi mendimesh
Gjejmë fjalë me shkronjën J
Vendos në tabelë etiketat me fjalët:

Nxënësit evidentojnë vendndodhjen e shkronjës J.

Formojnë fjali me fjalët e dhëna.

Punojmë me tekstin faqe 60

Shkruaj në tabelë: KËSULËKUQJA DHE UJKU

Punohet teksti f. 61.

Nxënësit vështrojnë pamjet ( 6 figurat faqe 61 ) dhe formojnë fjali duke bërë kështu përshkrimin e 6 figurave.
Më pas, nxënësit lexojnë fjalitë që ndodhen pranë çdo figure (pamje).
Bëhet leximi zinxhir për t’i dhënë mundësinë çdo nxënësi që të lexojë.
Punojmë rubrikën e pyetjeve të tekstit.

Analiza e personazhit

Vlerësimi i nxënësve:

Për shqiptimin e tingullit J;
Për gjetjen e fjalëve që fillojnë me J ose që përmbajnë shkronjën J në trup të tyre;
Për leximin global të fjalëve;
Për plotësimin sipas figurës dhe fjalës mungesore;
Për formimin e fjalive/tekstit sipas figurës kryesore të faqes;
Për leximin e fjalëve, fjalive, tekstit;
Për pyetjet, përgjigjet, shprehjet e mendimeve, ndjenjat dhe emocionet e tij, si dhe
Diskutimin në grupe të vogla për tema që i interesojnë;
Për përshkrimin me fjalë të thjeshta të personazheve;
Për marrjen pjesë në lojë me role (me ndihmën e mësuesit ose të një të rrituri) dhe shprehjen e opinionet e tij rreth interpretimit të shokëve dhe shoqeve të klasës.

Detyrë: Shkruaj 10 fjalë me shkronjën J. Krijo 3 fjali për Kësulëkuqen.

(Portali Shkollor)