Sfidojeni frikën

Si të mposhtim armikun më të madh në jetë: Frikën

...Le të rrinë me frikën e folurit publik pasi që është ende një nga frikërat më të mëdha në botë. Ne jemi akoma më të frikësuar të flasim sesa të vdesim. E çuditshme ë?...

A keni dëgjuar ndonjëherë dikë të thotë “Unë? Unë jam dobët në matematikë!” Ose “Nuk është mirë të më pyesni, gjithmonë kam luftuar me gramatikën?” Këto janë dy shembuj të përsosur të mendimeve të zgjedhura që lejojmë të qëndrojmë në mendje, që i zbardhin qëllimet dhe rezultatet tona.


Pra, shumë nga ne “lejojmë” mendimet e gabuara në mendjen tonë dhe truri ynë është shumë i lumtur për të dhënë pikërisht atë që kërkojmë. Dëmi është shkaktuar kur nuk kuptojmë se kemi kërkuar gjëra të gabuara.


Ju e shikoni, truri ynë është një “bandë” e zgjuar e vjetër e qelizave. Me siguri keni dëgjuar për stërvitjen ku ju kërkohet të mos mendoni për një elefant rozë ... dhe në mënyrë të çuditshme në kokën tuaj është një elefant rozë! Ose të qenve të Pavlovit, të cilët mund të inkurajohen të pështyjnë vetëm kur dëgjojnë një unazë zileje. Edhe tani mund t'ju them: “Mos e imagjinoni që limoni të pritet në gjysmë dhe lëngu të shtrydhet në fyt” dhe do të filloni të kuptoni “Hej unë po prodhoj më shumë pështymë”. Si është e mundur?


Sepse truri ynë do të japë atë që kërkojmë

Kur vjen puna te performanca ne duhet të zgjedhim me kujdes fjalët tona. Nëse e vlerësoni dhe pranoni se ne jemi krijesa lehtësisht të sugjerueshme, atëherë unë mund t'ju jap disa këshilla dhe mjete të shkëlqyera për t'ju ndihmuar të punoni më mirë vetëm në bazë të fjalëve që po zgjidhni të mendoni.


Ju e shikoni, nëse fjalët mund të ndikojnë në atë që trupi juaj bën, mund të ndikojnë gjithashtu në rezultatet e performancës tuaj.


Si ndikon frika tek ty?

Si mundet që një person të shijojë mundësinë e të qëndrojë në një skenë para 5000 njerëzve dhe një tjetër do të preferonte më mirë ta marrë plumbi para se të ishte rradha për të dalë në skenë? (Dhe më besoni, si dikush që ka pasur frikë të foluri në publik dhe që tani e adhuron atë, me të vërtetë e di se çfarë është kjo frikë.) Nëse lejojmë që një frikë e tillë të pushtojë mendjen atëherë çfarë mund të ndodhë me performancën në punën tuaj?


Le të qëndrojmë tek frika e të folurit në publik pasi që është ende një nga frikërat më të mëdha në botë. Ne jemi akoma më të frikësuar të flasim sesa të vdesim. E çuditshme ë?


Ju kërkohet të flisni para një audiencë të madhe, kjo është mundësia juaj për të shkëlqyer e për të arritur majat e skuksesit, diçka që ju e keni ëndërruar prej kohësh. Nëse keni frikë nga të folurit publik atëherë mendimet kryesore janë rreth frikës ... në vend të rezultateve ideale që dëshironi të merrni, ju mund të mposhteni nga mendimet negative dhe frika.


Për shembull, në vend të të menduarit:

“Kjo është mundësia që unë kam pritur dhe do të bëjë të mundur suksesin tim”


Ju keni më shumë gjasa të mendoni:

“Oh jo, mundësia më e madhe e jetës sime dhe unë do ta humbas.”


Truri ynë dëshiron të na mbajë të lumtur. Pra, nëse mendimi i parë është pozitiv paramendojeni se çfarë mund të ndodhë? Po në lidhje me mendimin e dytë?


“Kjo është e gjitha Mandie, shumë e mirë dhe e mirë, por është një frikë. Është e vërtetë, është e prekshme. Ajo më mbyll fytin, më bën të dridhem, kulloj djersë dhe luftoj për të kujtuar emrin tim, e lëre më një fjalim të tërë!”, thoni ju që po lexoni këtë qrtikull tani.


Nga eksperienca shumëvjeçare për t'i ndihmuar njerëzit t'i kapërcejnë këto frikëra, e di se pikërisht kjo është frika që mbështetet në mendimet negative. Ajo mbështetet tek mendimet tuaja negativa dhe tek frika që ju keni. Ajo mbështetet në ju, sepse ju pranoni ato emocione negative dhe i përjetoni në një nivel që ju bllokon dhe nuk mundeni të vijoni më tej. Dhe ky është çelësi.


Për të rritur suksesin tuaj të performancës, duhet të pyesni mendimet tuaja. Jo të gjitha frikërat janë të dukshme. Disa prej tyre mund të fshihen në nënndërgjegjeshëm tuaj për vite me rradhë, ju i zbuloni ato dhe përpiqeni t'i mundni vetëm pasi cënohet suksesi juaj. 


Gjithkush ka frikë, madje edhe ata që duken aq të ashpër.


Mos më besoni mua?

Kohët e fundit kam takuar dikë që e kam admiruar për një kohë të gjatë. Duke lexuar librin tim, konkretisht kapitullin 3, ai kishte kuptuar se diçka nuk shkonte në karrierën e tij. Ai vendosi menjëherë të më takojë mua dhe më telefonoi.


Le ta ndërpresim këtë rrëfim duke menduar për atë që ndodh, nëse veproni sipas mendimeve tuaja. Pra, nëse mendoni se marrja në telefon do të ndërpresë ditën e dikujt, kështu mundësitë për t’iu përgjigjur dhe për të dëgjuar atë që ju keni për të thënë janë të vogla, me shumë mundësi ju do të tërhiqeni dhe do t’i dërgoni një e-mail.


Nga ana tjetër, nëse pranoni se jeni një person i vlefshëm i cili ka të drejtë të flasë me dikë në telefon, sepse keni diçka të dobishme për të thënë... Cilat janë shanset që ju do ta merrni në telefon?


Pra, si ktheheni në të menduarit pozitiv dhe anashkaloni frikën që dëmton punën tuaj?


4 Këshilla për të anashkaluar frikën tuaj

Rregulloni supozimet tuaja

Cilat supozime po bëni dhe a jani të mira apo të këqija për ju? Për shembull, nëse supozoni se gabimet janë mundësi për të mësuar, atëherë do të gaboni me vetëdije. Ju do të besoni se edhe dështimi ka përfitimet e tij dhe i përdor ato në mënyrë efektive për të rritur performancën tuaj. 

Nga ana tjetër, nëse besoni se dështimi është i rrezikshëm dhe dëmton reputacionin dhe suksesin tuaj, atëherë ka të ngjarë që të largoheni nga mundësitë që mund të rrezikojnë dështimin. Ju duhet të mendoni si superheroi në një film. Jeni të përgatitur të hapni situata në të cilat keni frikë, por keni besim se mund t’ia dilni. Ju nuk e shihni pamjen e superheroit dhe mendoni: “Mmm... Unë nuk mendoj se unë do të mbroj njerëzimin sot, duket pak e frikshme.”


Mos harro, në të vërtet askujt nuk i interesoni ju

Një arsye e madhe që frika mund të ndikojë në performancën tuaj është sepse imagjinojmë se çfarë mendojnë njerëzit. Për ironi, nuk është zakonisht e vërtetë. Supozojmë se të gjithë po mendojnë për ne dhe megjithatë ata kanë më shumë gjasa të mendojnë për veten – “çka është për çaj”, “ku do të shkojmë për të festuar ditëlindjen e mamasë” ose “pse i vesh këto këpucë, janë të parehatshme”. Megjithatë, mbani mend se frika mbështetet në negativitet duke na mbajtur në vend dhe kështu, nëse mësoni të pranoni që të gjithë po mendojnë mendimet e tyre dhe janë aq të obsesionuar me ta ashtu siç jeni tuajat, mund të ndaloni të lejoni mendime të negative në kokën tuaj. Një mik biznesmen më tha: “Mandie, ju nuk keni të drejtë të ndërhyni në mendime e të tjerëve.”


Ndrysho fokusin tënd

Frika na bën që të përsërisim modelet. Pra, nëse keni mendime në kokën tuaj që thonë “kjo nuk do të funksionojë” ose “unë jam i frikësuar nga rezultatet përfundimtare” - atëherë truri juaj do të bëjë gjithçka që mund t'ju vërtetojë frikën tuaj.


Prandaj, nëse mund të keni një drejtim më të fortë për të përqendruar vëmendjen, frika do të zvogëlohet dhe përfundimisht do të zhduket. Për shembull, le të kthehemi në frikën e të folurit publik (Ju mund ta zëvendësoni këtë frikë me një nga tuajat!). Nëse keni frikë nga të folurit publik dhe fokusoheni në atë që keni frikë, ju do të dështoni në të folurin në publik.


Nga ana tjetër, nëse ke një synim të qartë, atëherë ju keni më shumë gjasa të keni sukses. Kjo do të thotë që duhet të përpunosh atë që dëshiron. Çfarë dëshiron? Cili është qëllimi? Ku dëshiron që kjo të çojë? Duke ju përgjigjur këtyre pyetjeve me pasionet dhe dëshirat tuaja të vërteta, truri juaj ka një drejtim pozitiv për të synuar, dhe jo frikën e modeleve të kaluara.   


Mos kini frikë të dukeni i veçantë

Kjo pikë është e lidhur me frikën se si dukeni ju në sytë e njerëzve të tjerë. Kështu frika përsëri ju mbizotëron ju. Mendoni se sa herë jeni ndjerë budalla / buallaqe kur keni dashur të thoni diçka por nuk e keni thënë vetëm sepse keni pasur frikë se çfarë do të mndojnë të tjerët. Çfarë ndodhi më pas? Pastaj, përgjigjuni: “Si ju bëri të ndjeheni?” Dhe pastaj pyesni veten: “A ka rezultuar kjo në një ndjenjë apo veprim?” Dhe më pas përgjigjet, “çfarë ka ndodhur më pas?” Në këtë mënyrë mund të filloni të ndërtoni një fotografi të rrugës automatike që lidhet me këtë frikë. Si bien modelet e vjetra që nuk ju kanë shërbyer fuqishëm, dhe keni lejuar frikën të mbajë fuqinë e saj prej jush. (Dhe po, ky proces mund të përdoret në çdo frikë, e quaj këtë një spirale negative.) Pasi të ndërtoni një pamje të asaj që po ndodh, mund të mësoni të shihni se çfarë mendimesh dhe ndjenjash krijojnë ato veprime. Në fund të fundit, frika mund të ndikojë në performancën tonë sepse kemi mësuar të besojmë në frikë. Frika është e dobishme në atë që na mban të sigurt. Pra, kur frikës i është dhënë shumë pushtet ajo dëmton suksesin tonë. Mëso të sfidosh dhe të ndalosh supozimin. Dhe më e rëndësishmja, besoni se mund ta bëni këtë, ju mund t'i jepni vetes të gjitha dëshmitë e sukseseve tuaja për t'ju thënë këtë. Dhe unë do të largohem nga ju me këtë mendim: Pse supozojmë se çfarë ndodh nëse jemi të tmerrshëm për diçka, atëherë të gjithë mund ta bëjnë këtë gjithashtu? Ndërsa në qoftë se nuk mund të bëjmë diçka, ne jemi idiotë, sepse të gjithë mund ta bëjnë këtë?


Ju e shikoni, frika vërtet dëshiron të dëmtojë suksesin tuaj. Pra, është koha për ta sfiduar atë. 


(Nga Mandie Holgate, Përshtati: Albina Hoxhaj, Portali Shkollor)


Mandie është një nga trajnerët më të suksesshëm të jetës në Britani të Madhe, dhe për më shumë se 20 vjet ka ndihmuar bizneset dhe individët të arrijnë lartësitë që as nuk e dinin se ishin të mundshme. 

7,001 Lexime
5 vjet më parë