“Këndojmë për ju”, kori i MGT në Toronto, uron bashkëmoshatarët e prekur nga tërmeti në Shqipëri

Një gjest sa origjinal aq edhe domethënës ai që kanë dashur të ndajnë me ne fëmijët shqiptar nga Toronto! Grupi i korit “Marlee's Got Talent” ka zgjedhur të këndojë këngë shqip për të përshëndetur dhe për t’iu gjendur pranë bashkëmoshatarëve në atdhe, që u prekën nga tërmeti i 26 nëntorit. Kënga “Zilet” vjen e performuar bukur dhe me mjaftë dashuri, si për të uruar - Gëzuar festat e fundvitit!

Me disa pankarta në duar të vegjlit u janë drejtuar nxënësve e mësuesve, sidomos të Thumanës, Durrësit, Lezhës e Tiranës me urimet, “Jemi gjithmonë pranë jush”, “Këndojmë për ju”, ndërsa një mesazh tjetër kanë për të gjithë fëmijët në atdhe: “Bashkëmoshatarëve tanë në Shqipëri ju urojmë: Gëzuar Vitin e Ri, paqe, mirësi, suksese në mësime”.

Edhe Ina Xoxa, shqiptarja që drejton grupin e korit përcjell miqësisht, nëpërmjet “Portalit Shkollor”, urimin e saj për këtë rast: “Gëzuar për shumë vjet. Suksese të gjithë nxënësve në vitin në vazhdim!” 

Ju ftojmë të dëgjoni këngën, ajo ju dedikohet posaçërisht juve! 

(Portali Shkollor)