![](http://www.portalishkollor.al/upload/media/entries/2022-10/04/6440-0-e2c117fe77e8d6a65441dc5755ccfb08.jpg)
Anja Çota, nxënësja e vogël dhe e mençur e shahut
Nëpërmjet lojës së shahut Anja thotë se ka fituar dije, sepse shahu është sporti i mendjes. Ajo stërvitet shumë në shah dhe ka një këmbëngulje rezistente, që nuk thyhet lehtë dhe synon që një ditë, të renditet në listën e lojtareve më të mira të shahut.
Anja është një vajzë që ka mbushur 12 vjeç dhe vazhdon klasën e shtatë. Klasën e gjashtë e mbylli me rezultate të larta, sepse ajo përpiqet me të gjitha forcat e saj të ketë mbarëvajtje në shkollë. Për Anjën çdo lëndë ka rëndësinë e saj dhe përgatitet ditë për ditë me seriozitet.
Dita e Anjës
Anja është një vajzë e shkathët dhe e zgjuar. Ajo për çdo problem ka një përgjigje dhe e argumenton mendimin e saj. Nuk stepet asnjëherë, nëse e mendon të drejtë atë që po thotë. Anja është vajzë shumë e shkathët dhe ekspresive. Të bën për vetë me brishtësinë e saj, por ka një mendje të mprehtë.
Anja fokusohet shumë edhe te mësimet, sepse ajo tashmë e ka kuptuar, që për të luajtur shah duhet edhe një mendje e shëndoshë.
Pasionet për shahun
Pasionet kryesore të Anjës janë shahu dhe basketbolli, me të cilat ka një lidhje të gjatë që prej moshës 5 vjeçare.
![](http://www.portalishkollor.al/upload/media/entries/2022-10/04/6440-2-e2c117fe77e8d6a65441dc5755ccfb08.jpg)
![](http://www.portalishkollor.al/upload/media/entries/2022-10/04/6440-3-e2c117fe77e8d6a65441dc5755ccfb08.jpg)
Anja ka marrë pjesë edhe në disa kampionate kombëtare ku ka marrë edhe çmime, por më shumë thotë Anja kam fituar dije, sepse shahu është sporti i mendjes. Ajo stërvitet shumë në shah dhe ka një këmbëngulje rezistente, që nuk thyhet lehtë. Kur Anja i ve një qëllim vetes, atëherë ajo lufton me të gjitha forcat që të ecë përpara pa u ndalur.
Anja na thotë se i pëlqen shumë shahu dhe është sporti që ajo e ndjek rregullisht dhe nuk e ka menduar asnjëherë të heqë dorë. Anja nuk le pa përmendur profesorët e saj, Rozana Gjergjin dhe Ilir Seitaj dhe Kristaq Andonin, të cilët zënë një vend të rëndësishëm në përgatitjen e saj në shah. Anja synon që një ditë, të renditet në listën e lojtareve më të mira të shahut.
Anja na thotë që pasionin e saj për shahun mundohet t’ja kalojë edhe vëllait të saj më të vogël.
Koha e lirë
Në kohën e lirë Anja praktikon gjuhët e huaja, sporte të ndryshme si shah, basketboll, futboll, ose del me shoqet. Gjithashtu Anjës i pëlqen të dalë me familjen e saj shëtitje dhe të luajë me vëllain e vogël. Ajo na thotë që na famijlen e saj i respektojnë shumë rregullat e mirësjelljes.
Në një ditë të zakonshme, Anja, në kohën e lirë, pasi ka mbaruar mësimet dhe detyrat, ajo nuk harron të marrë kutinë dhe gurët e shahut dhe të stërvitet.
Ditët e tjera ajo ndjek edhe sportin e basketbollit dhe luan shumë mirë, madje ka marrë pjesë edhe në disa ndeshje. Por ajo pëlqen shumë edhe futbollin.
![](http://www.portalishkollor.al/upload/media/entries/2022-10/04/6440-5-e2c117fe77e8d6a65441dc5755ccfb08.jpg)
Ka një shkathtësi që i buron natyrshëm dhe e shpalos në sportin e basketbollit dhe futbollit. Anja bie në sy midis moshatarëve të saj për shkathtësinë dhe shpejtësinë që ajo zotëron në fushë.
Çmimet
![](http://www.portalishkollor.al/upload/media/entries/2022-10/04/6440-7-e2c117fe77e8d6a65441dc5755ccfb08.jpg)
Në vitin 2017, Anja ka marrë pjesë në “Kampionatin Europian për të Rinj”, në Costanta, Rumani.
Në vitin 2021, Anja ka dalë në vendin e 2-të në “Kampionatin Kombëtar për të Rinj”, për moshat 12 vjeçare të vajzave në Shqipëri.
Ka marrë pjesë në kampionate si: “Tirana Open”, edhe në kampionate online si: “Girls Only Tournament”.
Në vitin 2022 Anja fitoi vendin e 3-të në “Kampionatin Individual të Shahut”, për moshat 12 vjeçare, të vajzave në Shqipëri.
![](http://www.portalishkollor.al/upload/media/entries/2022-10/04/6440-9-e2c117fe77e8d6a65441dc5755ccfb08.jpg)
Anjës, i urojmë suksese të mëtejshme në realizimin e ëndrrës së saj për shahun.
Nga Iriana Papamihali
Artiste, mësimdhënëse, autore teksteve shkollore
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
Nxënësi Rei Aliaj: Ëndrra ime në sirtar
Nxënësja Adea Nesturi: A është nota e barabartë me suksesin?
Rrëfehet Xhon Abazi, “Aktori më i mirë protagonist në Festivalin Mbarëkombëtar të Teatrit për Fëmijë” për vitin 2024